إعداد وتنسيق :- ṗiηk qΰeeη تصميم :- Mi manchi عرض في برنامج الملعب الذي يعرض على القناة السعودية الرياضية يوم الأحد ليلة الإثنين الموافق 8- 10 - 2011م / 11- 11 - 1432هـ لقاء مع الكاتبن " ياسر القحطاني " بعد الحصة التدريبية للمنتخب السعودي اليوم تحدث فيه الكابتن ياسر القحطاني عن أن الكرة الآن تغيرت وأنهم كلاعبين سيحترمون المنتخب التايلندي في الميدان ويعد بالعودة بالنقاط الثلاث ورد أيضاً على المشككين في لاعبي المنتخب ومستوياتهم . البرنامج من تقديم المذيع : عادل الزهراني . و يسعدنا نقدم لكم ما يخص الكابتن " ياسر القحطاني " :: لقاء الكابتن ياسر القحطاني نصاً :: المذيع عادل الزهراني : إذن خلينا نشوف ياسر وتيسير .. الكابتن ياسر : عزوز ..!! المذيع الميداني : عبد العزيز . الكابتن ياسر : لا والله ماشريت له شيء أكذب عليك ..!! ماشريت له شيء . المذيع الميداني : ترى علي وأنا .! الكابتن ياسر وهو يضحك: سعود ماشاء الله عليه، أب حنون ، أنا أب ، أنآ أب، أب قاسي أنا . الكابتن ياسر : زمن اللاعب الواحد إنتهى ، إحنا إن شاء الله اللي إحنا شغالين عليه وقاعدين نبنيه الآن في، فـ، في قناعاتنا الشخصية كلعيبة رياضيين في الكرة السعودية إنه الكل للواحد والواحد للكل ، فمتى ماكانت المجموعة متوافقة وقدمت اللي عليها، بإذن الله إنه ياسر حيكون في يومه ، أكيد أنه أنا ماراح إن شاء الله أبخل بمجهود أو بأي جهد أو بأي عطاء لأنه هذا أمر متحتم علي وواجب ، ولكن يبقى التوفيق يعني بيد رب العالمين ، نتمنى إن شاء الله نحنا نكون في يومنا ونقدر إن شاء الله نحقق الثلاث نقاط اللي إحنا جينا يعني من أجلها يعني، وبإذن الله إنه نرجع لصورتنا الحقيقية بإذن الله . المذيع الميداني : المنتخبات الآسيوية مع إحترامنا لهالمنتخبات يعني، تايلند أو.. ، في السابق عمرهم ماكانوآ عقبة مع المنتخب السعودي ، فماذا حدث للمنتخب الحين.. ؟ الكابتن ياسر : أنا أرجع وأقول لك أن كرة القدم تغيرت الآن ، يعني إحترام الخصم مو مجرد الإحترام ، يعني مجرد مقولة انا أحترم خصمي يعني شفهياً أو شفوياً أو حتى كتابياً لا ، إنت لازم تحترمه فعلياً ، وإحترامك له يعني يكون من خلال تقديمك لمستواك وعطاءك الكامل خلال المباراة يعني ، فمتى ما إحترمنا المنتخب التايلندي تأكد أنه بإحترامنا للمنتخب التايلندي يعني معناته أنه ماراح يكون ند للمنتخب السعودي ، لكن متى ماقل عطائنا أو تكاسلنا في الـ ، في تقديم العطاء تأكد أن المنتخب التايلندي راح يكون في الموعد وهذا أمر طبيعي في كرة القدم لكن بإذن الله اللعيبة ، لعيبة المنتخب السعودي، إحنا نثق في أنفسنا ونثق في عطائنا إن شاء الله ، ونثق في محبتنا لبلدنا ونطلب ، يعني إحنا مانطلب من محبينا دعمنا ، إحنا نطلب من اللي يدورون علينا غلطة إنهم ينتظرون إلى بعد المباراة بعدين يسوون اللي يبغونه بكيفهم . المذيع الميداني : والدعم الإعلامي متواجد ..؟! الكابتن ياسر : إي نعم ، يعني فيه بعض ، البعض البعض ، يعني إحنا نتكلم البعض للأسف يعني ، وتكلمنا فيه كثير ، وهذي قناعتنا إحنا كلعيبة يعني إنه إنت لما تكون تبحث عن الظهور على ، على حساب المنتخب السعودي أو لاعبين المنتخب السعودي بـ ، بكلمة أو بإحساس الوطنية أو مسمى الوطنية فأنت غلطان ، أنت قاعد تتكلم في وقت غير مناسب ، وإن دل على شيء دل على إنك غير وطني ، فمتى ما ، إذا كنت وطني فتناسى كل شيء وتمسك بدعم المنتخب أول ثم أول ثم أول يعني ، ولاتفكر في أي شيء ثاني ، فانا زي ما أقول لك الآن إحنا قاعدين نهيأ أنفسنا وللإدارة والجهاز الفني، قاعدين يحاولون، ويعني جهدهم في أنهم يهيأون المنتخب نفسياً، فيأتي قلة يعني من الأشخاص هذولي يدمرون يعني كل شيء بناه المنتخب ، فنتمنى إن شاء الله إن إحنا كلنا نكون يد وحدة ويد وحدة معناتها جهاز فني وإداري ولعيبة وجمهور أيضاً وكل من ينتمي لهذا الوطن الغالي ونتمنى إن شاء ، وراح إن شاء الله نكون عند حسن ظنهم وفي الموعد بإذن الله. الكابتن ياسر وهو يعطي المآيك للاعب تيسير الجاسم : نروح للحسا.. ويعود الكابتن ياسر : لحظة أنا، أنا أحب أقول كلمة لو سمحتوآ ، يعني ، يعني رسالة هي بسيطة ، يعني أخوي تيسير توفى والده الله يرحمه وآثر على نفسه أنه يجي و، ويكون متواجد مع المنتخب ، في أوقات صعبة مثل الوقت هذا ، أول شيء إحنا نشكره وهذا شيء موب غريب على تيسير، لكن هذي رسالة لكل من يشكك في وطنية اللعيبة ، يعني شوف ، يعني مافيه أغلى وأقسى من فقدان الوالد ، وتيسير متواجد يعني في المنتخب الآن ، هذي رسالة بس فقط لكل من يحاول أنه ، أنه يتكلم أو أنه يعادي المنتخب ، شوف لعيبة المنتخب وش قاعدين يسوون ويضحون ، بس . المذيع الميداني : من الطائرة إلى الفندق .! الكابتن ياسر : نعم من الطائرة إلى الفندق إلى التمرين يعني، يعني شي مستحيل أنه يسويه أي واحد ، يعني صدقني لو حصل لأي واحد ممن يشكك في وطنية اللاعب السعودي أو ، أو عطاء اللاعب السعودي، يغيب دوامه وهو دوام عادي حـ يغيب، تيسير الله يجزاه خير ويرحم والديه ووالده إن شاء الله ويسكنه فسيح جناته على طول ركب الطيارة وجاء تواجد في التمرين ونفسيته أعلى من اللي متواجدين حتى ، لمن يهمه الأمر . لمتابعة لقاء القناص فيديو [ إضغط هنا ] تقبلوا تحيات فريق عمل :- Yasser Media