الله من هم بقلبي توزا=بين الضلوع العوج لاجي ولازي
الا ليا اونس طاري الزين فزا=فزة ونيت سايقه مايهازي
ياصاحبي رمح الهوا لا يكزا=بيني وبينك خل وضعك حجازي
الوصل من بين الحبايب يعزا=بالولف ماعزه نبيل وعزازي
لانامو العربان جفني يقزا=كن في بريم العين كسرة قزازي
في جوف صدري للهواجس ملزا=مثل الخيول اللي تريد الملازي
واسرجتها بالهجر بعد المعزا=لين انها صوبي تود المغازي
نكران ودا فيك ماله مغزا=قطعت تذكرة الوفا والجوازي
كانه جفا ترجع علينا مهزا=ويحط في ثومة فوادك حزازي
وكانه تغلي فالغلا مايدزا=بين الحبايب مايساق بجهازي
بين العيون يساق قبل يتلزا=ويبين في نظرات عين الجوازي
وانا خذيت من الهوا لي ممزا=وسمحت من حفرا بالارض العزازي