السلام عليكم ورحمه الله وبركاته تحية طيبة كل عام وانتم بخير وصحة سلامة ... بدخل في الموضوع سيده بدون فلسفة ومقدمات عشان اريح راسي ورؤوسكم طبعا اغلبكم يدري بان اللي يشوف هلال كل شهر يعطى (بشت + 500 ريال ويمكن زادت الى الف ريال بعد الزيادات ) بعد ما يسجل اعترافه برؤية الهلال في المحكمة وهكذا تستمر الرؤية ... طبعا اغلبكم يذكر بانه قبل اربع سنين عيدنا قبل العيد وهالسنة ابشركم عيدوا بنا كله عشان هالبشت والف ريال ... طبعا في باحث فلكي سعودي خرج لنا قبل ايام وقال بان العيد يوم الثلاثاء وطلع كلامه خرطي حيث ان هناك جمعية فلكية في اوربا (الدول المتغدمة >>> على قولت ناصر القصبي وهو يمثل دور الرجل السوداني ) قالت بان القمر سوف يكون خلف الشمس او متوازي له ويصعب رؤيته لهذا بان الشهر سوف يكون ثلاثين يوم ولكن ربعنا وكعادتهم ما بين الطفاقه ومخالفة الراي وما بين من يفوز بالبشت والف ريال قالوا شفنا الهلال : (ما علينا من الغرب ) وفي الاخير اكتشفت الجمعية الفلكية بعد ما جابوا العيد فينا بانهم شايفين كوكب زحل بالله علمونا وش نسوي ؟ عطوهم بشوت وفكونا :011: شطحة مقاربة للانبراشة تذكرون اغنية فتى نجران مدري حسين العلي منذو مبطي اذكرها لكن الحين ناسيها وخاصة ان العمر تقدم بي والتي على ما اظن تقول (عيدوا بي والناس معيدين : ) تنطبق على بعض العينات من افراد مجتمعنا وبعد هذا فهنينا لنا يا الشعب السعودي على اولئك الذين يستابقون على اخذ البشوت والف ريال حتى لو الامر فيه مسائل دينية قد يفطر او يصوم فيها 30 مليون مسلم فالعالم تقدموا ونحن نعود وراء (استخدموا التلسكوب وفكونا : والا وش دور مدينة الملك عبدالعزيز للعلوم والتقنية وخاصة انه يوجد قسم بهذا الشان ؟؟؟!!!!) - طبعا جمعية الفلكيين البريطانيين اعلنوا بتحديهم للمسلمين بشوفه هلال العيد ولكن ربعنا اخذتهم المكابرة وقالوا بنشوفه بنشوفه طبعا البريطانيين ما قالوا هالكلام الا بناء على معلومات لديهم اما ربعنا فقد جابوا العيد فينا سؤال برئي لو تم الغاء تلك الهدية لمن يرى هلال كل شهر الا وهي (بشت والف ريال) يا ترى هل سيكون هناك احد يتسابق لرؤية الهلال؟ لا اعتقد ذلك ختاما العيد حصل وكل شي انتهى لكن مستقبلا من الواجب بان نعيد النظر في رؤية الهلال. (كل عام وانتم بخير) تحياتي،،،