عيديه للأسف غير سعيده !!
تكذبين وماخبرتك يابعدهم تكذبين
من عرفتك وانتي اصدق شي شفته بالحياة
دام لي صوب القصايد دمع ينزف من يدين
لجل طبعً ساقني صوب القصيد وقلت هات
طبع قومً كل ماكنو بداخلهم ونين
قالو استح لا تهل الدمع والصمت الوصات
لين صارت لي سجيه كل ماثار الحنين
ابتديت اكتب قصيدً كسّر صدور الحصاة
لا وانا ولد الرفيدي ماتهل العين عين
قلتها واللي حبس دمعه على مغناي مات
وإن بكيت بيوم لجلك فآعتبر هاليوم دين
سدده بآخر طريقك واعتبر مافات فات !
تكذبين وماحسبتي كم مضى لي من سنين
كم خريفً ذبلت اوراقه وكابر لين مات
ماخبرت إن الفصول تموت يامغناي لين
مات عصفور الصباح وضيقة الانفاس جات
صبحنا اللي فيه اشتقنا ومدينا اليدين
واختفى صوتك ورا كذبة حنينك همهمات