حيآكم البآري وياهلآ بكم احداث يومي في رمضان لاتختلف كثيرا عن بعضهآ لكن الضرف الصحي اللي حصل لي بنهاية الشهر غير شوي من نظام ايآمي بدآية الشهر ، ويضل احلى مافيها العشر الاخيره دائماً من كل عام في هذا الشهر الفضيل بحكم انهآ تكون مع خوآلي في مكه ومآ زآد جمآل يومي هذا بالذآت وصول جدتي من الرياض اللي من المستحيل تتركها لغير مكه او الديره بالجنوب ، جآت تعتمر و تكمل مابقي من رمضآن معنآ بمكه .. هذي سآعآت يومي 27 / رمضـــآن 1432 ه . 27 / اغسطس 2011 م . بدأ يومي طبعاً من بعد صلاة الفجر ، حآولت انآم لكن آرق فضيع ، فطلعت للسطح اتابع الشروق بعدها رجعت لفرآشي حآولت للمره الثانية آنام ابداً مافيه فايده .. المشكله راسي مليان نوم وطافيه لكن اول ماآحط راسي طـــآر النوم يأست ممن نفسي ؛ قلت افتح اليوتوب لين مايجيني النوم مافيه حل ..! وبعدها مدري كيف جاني نوم ونمت وماصحيت إلاّ ع الساعه 1,15 الظهر وجلست اقرأ قرآن الى صلاة العصر .. صليت العصر ودخلت المطبخ ، وكانت وحده من خوآتي الصغآر سبقتني على الشغل بالمطبخ ، من بدآية الشهر تبي تسوي صينية حلا وتذوق الوآلد شغل من يدهآ وانآ اصرفها لآن ماعندي وقت اعلمهآ او ع الآقل اسآعدهآ لكن اليوم قلت البنت مصممه ع رغبتها وانا مابردها فكرت لها بحلا خفيف ولذيذ ، طلع براسي الحلا الاصفر \عطيتهآ بكت بسكويت ترصه في صينية بايركس وجهزت لها كل الطبقآت ، بس هي ماعجبها كيس السكر الاسود تبع الكريم الكراميل ما ينفتح قامت واخترعي طبقه للحلا وغطته بالسكر الذائب ولمآ خلصت من الفطور ، بدأ يقترب آذآن المغرب وجاء وقت التحضير ، قمت اجهز فطور مسجدنا ونزلته للمسجد ورجعت احضر طاولتنا .. لكن جدتي اللي توها واصله من السفر ، مايعجبها اذا كنا كلنا متجمعين بناتها وعيال بناتها ، نآكل على الطآوله وخلتني انزل السفره ع الارض تعبت وانا احضر بيد وحده واسابق الوقت لكنهآ ماقصرت ساعدتني الله يطول بعمرهآ .! بعد صلاة المغرب حضرنآ الفطور الثاني وجلسنا سواليف الى وقت صلاة العشاء ، و بعدين طلعنا للحرم نصلي العشاء والتراويح .. لمـــآ رجعت من الحرم ، لقيت الصغار عيآل خالآتي في الحوش متجمعين على شئ ومالهم صوت قربت بهدوء ، تفآجأت بسلحفآتي معهم خطفوها من بلكونتي وانا بالتراويح وعذبوها وكانوا نآوين يخشون جرميتهم ويخبونها عني بكرتونه ويرسلونها عند الجيرآن .. دخلت البيت معصبه ولقيت اميرتي تنتظرني ارجع ولمآ شافتني قامت تغني بلهجتها اللي مايعرفها احد طلعتها معي الغرفه وغيرت ملابسها ، وسويت حنآء عشان العيد ، وحنيتهآ ( قبضه ) للناطقين باللهجه الجنوبيه ؛ ونآمت الامورهـ بعدهآ ولما وصل الازعاج لغرفتي وصارت مجلس لميت عفشي وهربت الملحق .. من حظي ان الشباب ماكانوا فيه ، من بعد التراويح رآحوا يلعبون مباراة فخذيت راحتي وجلست ببلكون الملحق ومروقه ، لكن قمت ابي اسوي لي كافي او اي شئ بآرد لقيت المطبخ مو مرتب والادراج مفتوحه وكل غرض بوادي . رتبته وسويت لي من الموجود شاهي + مكسرآت ورجعت البلكون وبديت جولتي بالقناص .. جات الساعه 12 وفي العاده اكون في هالوقت داخله الحرم عشان القيام ، لكن من يوم جات جدتي مااقدر اخليها واطلع للحرم ، فنزلت اجلس على التلفزيون اتآبع القيام .. دخلت جدتي علي الصآله ، وخذت الريموت تدور على ام الحاله وبرنامج المسابقات فقلت لها خلاص بروح اشوف الصلاة بغرفتي واريح لكن حلفت علي اجلس معها .. خليت جدتي تتآبع البرنآمج ، وجلست اسولف مع حبيبتي ترف ! شفت امي طآلعه مع وحده من خالآتي سألتها على وين ، قالت رايحه السوق تشتري للوآلد عيديه ه .. قلت خذيني معك اشوف لي كم غرض لجوالي واللاب .. لكن للآسف مافيه شئ يستآهل التسوق اللي اعجبتني بس شنطه لاب وخذيتهآ .. رجعت اتسحر ودردشة سريعه مع الغلآ دانتيل بعد السحور رجعت غرفتي اشوف ام الحناء باقي نآيمه ولاَ صحيت من النوم ، مالقيتها بسريرهآ طلعت ادورهآ ، كفشتها تلعب بأدوية جدتي والحمد لله ماشآفتها ولاّ كآن رآحت فيهآ جلست اقرأ قرآن الى وقت صلاة الفجر ، صليت وبعدهـــآ جلست على الموقع اضبط الموضوع .. ان شاء الله كآن يومي خفيف عليكم مآفي دآخلي في اللحظآت هذي غير دعوة لي و لكم جميعاً بالمغفره وحسن الصيآم والقيآم وبالعتق من النــآر
♥ تِعبْت وَالله تعِبت انْتَظِر وِصِآل قَلبكـَ وَوصَآلكَـ " عَجّل عليّ يَالليِّ انْت عَن الجَّرح سـَـــآهَي│عيشوآ يومي