يَ هلابكم حييتم
وصبحكم الله بالخير ..
القصيده الاولى .. 
فيني من الوجدان والشوق حملين
عسى خفوقي يشمله منك الإحسان
خيط الولع خلاني أتبعك يا زين
خيط جذب في خاطري حر وجدان
طرف جفن عيني لمكحولة العين
عيني مضت فيني من الشوق ما كان
شفت الحلى فيها يوصف بوصفين
وصف الحسن ووصف يبين لها شان
راح الفكر ينظم من الشعر بيتين
شاقه بنظم الشعر مرسوم الأعيان
يا ماخذه بلا عطا للبعد وين
توني معك شفق ما ذقت سلوان
وقت نهاره ليل والعين بالعين
أسهر ونومي ما يعارض لي أجفان
الله وأكبر ليتني معك وقتين
وقت تعيش النفس بك حلو الأزمان
أسهر بليلي والقمر وجهك الزين
منور حلو يكسف حياء غادي ألوان
يا ظالمة غضي من الطرف تكفين
لا تودعين النفس لبيض الأكفان
لِ ......... !؟