...................... السَِلام عليَِكم ورحِْمة الله وَبركاتَِه يسعد صباحكم جميعاً والله يتقبل منا ومنك الصيآم والقيام وهاردلكم خسارة البطوله والوديه :( أرتفع ضغطى وجانى صدآع بسبب مستواهم الهزيل ! أتمنى أن تتعدل الصورهـ فى القادم من الأيام الموهم نبدآ بيومي طبعاً العشاء مايأذن بدرى عندنا بعد 9 بدقائق يعنى ! وبعد ماخلصت صلاة العشاء والتروايح على التي في بسرعه لقيت الأستديو التحليلي وهذا عادل البطى حبيت اصوره هو بس لانه هلالي وتعجبنى اراءهـ كثير ! وقتها كانوا بنات عمى واخواتى يجهزون العشا ( إحنا عندنا بعد العشا نتعشى لانو بس سفره وحده عندنا ) طبعا بنات عمى ( الصفروات ) وحده اتحاديه ووحده نصراويه مايحبون الهلال ابداااا بس يجيون عندى يقهرونى هذه صورة العشا يعنى مو عشا اشياء خفيفه هيك ومسوين حركات وشموع كأنه فلم مو مباراهـ جلسنا نأكل وونشوف التحليل والجمهور الحلو طبعا والبنات يتريقون على الجمهور وانه كله اطفال وبنات [ تعرفون كيف تفكير الأصفرين ] الله يعين يزنن ماشاء الله بسم الله وتبدآ المباارهـ بآدره رائعه والله يرحمه يارب بدآت المباراه ومرره ماعجبنى مستواهم خآصه الدفآع ولما جاء هدفهم خلاس قلت ماابغى اصور عصبت >> فيه ناس بس تتريق عليها بس الشلهوب فرحنى وقهر اعدائي ربي يسعدهـ الهدف هو الشى الحلو الى طلعنا منوهـ بالشوط الأول :/ بالرغم إنه من كرهـ ثابته والهمجات جالسه تضيع خآصه كورة العربي :( بين الشوطين جلست احلى بعد الهدف روقنا شويه وفتحت النت وعلى القناص وهو فيه غيروهـ كابتشينو وكاتبه رقم ياسر بالشوكلت >> مكانه فارغ تصدقون اتخيله يلعب كل مماراحت الكوره قدام قلت يالله ياسر انسى انه راح بدأ الشوط الثاني بنزوول الفريدي مليت من المباراهـ والمستوى وشوفت الجريده وجلست اتصفحها ( جريدة عكاظ ) وشوفت هاالصفحه وصورتها :( عن مؤسس الهلال االله يرحمه يارب ويغفرله فجآه يجي الهدف الثاني قهرونى وبنفس الوقت جاء البلتنى للهلال ماكنت اتمنى العربي ينفذهـ والله كنت حاسه انه بيضيييييييع طبعا التريقه زاادت مرره عليه خاصه انه لاعب جديد :/ بس ماهمونى ابدااا أكثر شى كان نقظه تحول بالمباراه واخرجنى من شوية الهدوء هذه الصورهـ حرااااااااااام تضيع قدام القووول ايش باقى بس آآآهـ بس صوتى اتوقع وصل للجيران بس إن شاء الله مايكررونها بالدورى :/ انتهت المبااراهـ وانقهرت من الخساره بالرغم انها مباراه وديه لكن اتمنى يستفيدون من اخطاءهـ قبل إنطلاق المنافسات ! نقاط لاحظت ومامدانى اصورها وضحكتنى كثير : - حركة الاعب الكورى بشعرهـ الناس تلعب ومنتبه للكوره وهو جالس يزبط شعرهـ ضحكنى كثير - حركه الحكم بالشى الي يحطوهـ وقت الكورات الثابته يضحك لايكون بيعملوا كدا بالدورى -ترى كل هادا لانها مبارااهـ وديه لكن بالرسميه وخآصه المهمه ( لاأكل ولاشرب ولاحتى جلسه ) واقفه طول المباراهـ بس يمكن اشرب مويا من التوتر >> شى مرهق ومتعب جداااً أفكر اعتزل التشجيع بسبب هادا الشى هادا انا وهادا يومي حبيت تشاركونى فيه وأتمنى عجبكم ووبس