مدخل:
يا ياسر مارحلت ولا لقيت بروحتك مسفار
من احبابك.. الى احبابك ترافقك السعوديه
........
اسعد الله جميع اوقاتكم بالخير والرضا .. وكل عام وانتم بالف خير أولا احب أقول لجماهير القناص رايتكم بيضا ووقفتكم مع ياسر غير مستغربه أبدا جمهور وفي ..وهذا اللي يستاهله أبوعبدالعزيز حقيقه .
وثانيا أحب أقول لياسر تراك مارحت اذا فيه شي صار فهو إننا كلنا رحنا معك باللي تبيه وتامر عليه سواء كجمهور للقناص أو كـ لابتك وبني عمك رفيدة قحطان
...........
على ذاك الطريق اللي يودينا على الدمــام
تقوي ياعزومي ع السفر ياشــيـنها شــده
بعد ماطاح بي حظ الرياض وخايله ماحام
عسى ودي يصادف فزعته وان كان ماوده
فحول يا سعد صوب المكان اللي لنا من عام
نزوره والصدف عيت ترد الزين لـــي حده
على جاله تلاقي لي قصيد ومحبره واقلام
وخاتم صاحبك ذبلت يديه وطاح من يــده
تخيل من كثر ما امسى على ذاك المكان وقام
يــعد الـناس من حوله وهي تــنـعاه وتــــعده
نثره الوقت بحضان الرصيف وللاسف منضام
طـعـنــه الــزين بـيـديــن العهود وبـيـحـت سده
هنا قد مات حلم وقد دفنا حلمنا اللــي هــــام
بعد ماكانت انجوم السما تسرقــه وتــــــرده
هنا قبره ولاتاطى عليه بوطية الاقـــــدام
اخاف يفوق ما يلقى حدن يبغيه وايـــوده
وانا يا صاحبي مالي على مسفارنا ملــزام
بعد سافر من الدمام وامسى في وسط جده
وليد