شربت من الهوى وأفعمت كاسي .. ونبَّهت العيـون مـن النعـاسِ
أجاوب صادح القُمري وأغنِّـي .. وأذكِّر بالهوى من كان ناسـي
ونجمة صبح ترقص من طربهـا .. على نغمات يطـردن العمـاسِ
وأنا لى من بغيت أمـرٍ عطيتـه .. جميع حقوقه وطرَّقـت راسـي
حلاة العمـر تلحـق ماتريـده .. وياتي ليِّـنٍ مـا كـان قاسـي
ولى من الزِّمـان أقبـل ربيعـه .. خذ من زهور ريضانـه لبـاسِ
ترى للوقـت هـزَّه وأنقلابـه .. تهزِّ جبالها لـو هـي رواسـي
عليك بساعة الفرحـه تراهـا .. ترد الرَّوح من عقـب المآسـي
خالد الفيصل