، السلام عليكم / صبـاحكُم وَرد .. كل عام وانتم بخير والله يكتبنا من اللي حلت عليهم رحمة رب العالمين بالعشر الاول ويارب تكتب لنا المغفره والعتق من النار بـ العشر الجايه واللي بعدها اليوم يومي الرمضاني .. طبعا مالي ف المقدمات ابداا so اببدا على طول .. صراحة كنت مختارهـ يوم ١١ بالذات لانه خميس حسب التقويم .. طبعا غير انه ٩/١١ و عادة يوم الخميس يكون كله حركه خاصة ف رمضان .. بس من سوء الحظ صار بنفس اليوم فطُور جدي اللي كل سنه .. يجتمعون كل الناس من المغرب لـ الساعه ٢.٣٠ تقريبا او ٣ .. يومي يبدا من الاربعاء ٢ قبل الفجر .. كنا نجهز للفطور .. مجموعة تطلع الصحون ومجموعه ترتب اماكن الفطور وكذا .. انا اخترت اكون مع مجموعة الفيمتو ما افضل انكم تشوفون كيف سويناها المهم سويناها وحطيناها ف الفريزر على طول : بعدها جلسنا نتسحر .. وتوبه اسمع كلامهم واتسحر من برجر كنج وصلينا وع طول كل وحدهـ مسكت ايباد وانا ع اللاب نتابع مسلسلاتنا .. المسلسلات الخليجيه قمة التفاهه قسم بالله بس لازم ف رمضان اتابع ! طبعا بتلاحظون ان عندي مراهقات طبعا شوي نشوف وشوي نعلق لحد ماوصلت الساعه ١٠ ونمنا غصب عشان نصحى بدري صحيت الساعه ٥ تقريبا اخذت شاور ع السريع ولبست ونزلت .. كنت مشتاقه للهلال .. وع اساس اني بشوف المباراهـ .. وطبعا ماشفتها امممم طبعا من يوم صحيت ماقدرت اخذ نفس لحد ماخلصنا من السفرهـ .. صورت اول وحدهـ خلصت .. هذي للشباب وفيه غيرها ثنتين في قسم الرجال و ثنتين في قسم الحريم المجموع ٥ سُفر .. بعد الفطور جلسنا نضف اللي عندنا وع اساس ان ولد خالتي قال انااا اتبرع اني اضف اللي بعد الرجال ليته ماسوا شي .. جمممع كل شي ف المقلط ودق علينا روحوا شوفوني ضفيتها ف المقلط يوم دخلنا طارت عيوننا شي مووو طبيعي .. حاايسين زياده لو مخلينا حنا نضف من البدايه كان ارحم ماخلصنا من الحوسه هذي الا ٨ الا ربع تقريبا وجمعنا كل شي هنا : بعدين جلسنا نتقهوى : لما جا وقت الصلاهـ رحنا كلنا لغرفه ع اساس نصلي .. استغفر الله ماينفع بنات يجتمعون بغرفه وحده عشان يصلون .. المهم بعد الصلاهـ رحنا عند الـ tv وجلسنا نسولف وهيك لين جا سباق المشاهدين ضيفهم كان سااامر المصري حطوا عشا وهيك بس ماقدرت اصور دخلوا قبل لا اخذ صورهـ وبعد العشا جبنا آيس نبرد ع قلوبنا .. ووقتها كان فيه برنامج شوجي .. : والساعه ٣ تقريبا فضى البيت مابقى الا حنا وعيال خالتي .. سويت نفسي فاهمه وسويت لهم سحور لبببببى السنع ي انا تطورت صرت سنعه مو مثل السنه اللي راحت وبس تسحروا وكلٍ مسك فراشه .. منهد حيلنا من الحوسه والازعاج وانا جلست انزل لكم اليوم .. طبعا اعذروني بعض الصور من بيبي وبعضها من كام .. ماقدرت اصور عند الناس بالكام احس شكلي غلط و للان ماعندي برنامج اعدل ع الصُور وكذا .. فـ سلّكوا الله يعافيكم الاحداث كلها ف بيت جدي ومع بنات خالاتي اللي ابدا مو مزعجات نشُوفكم ان شاء الله رمضان الجاي ..