الغيد بنت فواز
تعابيرك و لمحاتك برود الليل وسكوته
- - - تهيّض بالشعر وجهه توّردني على شفاهه
وتعلقني مع الصوره ، بيوت أشعار موقوته
- - - أضيّعها مع التكرار ، وانسى الحرف وأشباهه
ولا أدري بأي صيغه،أرتب حرفي وصوته
- - - وأوّصل لك مع صوتي ( جنون الشوق والآهه )
كذا هالليل يبداني عمر ساعات مبهوته
- - - كثر ما تطول في صبري ، كثر مافيك ( دلاّهه )
أساهرها علشانك والبْس طيفك بشوته
- - - وأجّهز لك عروس الحب جفن وعين / نبّاهه
أبيك تشوف بعيونك رموز الود ونعوته
- - - وكيف انك تخليني بطول الليل توّاهه
أضيع، ْو وحدتي تقسى وأنا للخوف تابوته
- - - عجزت أزيح غربال ٍ يكّفنّي بإشراهه
تصدق قمت أدووور بغرفتي والحبر والنوته
- - - معي تستجمع أشعاري ،وحبري منكسر فاهه
وبعدما داعب احساسي نعاس النوم والموته
- - - تسلّمت و خيوط الحلم ، تعرض وجهك وْجاهه
ونامت عيني وبخدي أثر دمعات مكبوته
- - - بعدما ( ضمّها) جفني ( غدر) هالدمع بإكراهه
لأنك حلم / وأغلى حلم / جبرت الصحوه تفوته
- - - وقلت أن مالقيتك علم / بأحس ان الزمن عاهه !
اكككككككرهك ي قوقل : @ !