القصيده الاولى .. 
من علّمك ترمي بقيعان الأرماح
لا بالقتل قد نويتـه عمري بكفـن حي طويته
قل لي متى ترسـم على قلبـي جراح
منك الصبر ما قويتـه أفقدتني ما أحتويته
كافـي علي أصبحت بالســد فضّاح
غصبٍ عليّ حكيتـه بكاني حظـي وبكيته
خذ ما تبي بـس اتـرك القلـب يرتاح
لا بالمودة عطيته لا بالصراحة خذيته
كافـي علي أصبحت بالســد فضّاح
غصبٍ عليّ حكيتـه بكاني حظـي وبكيته
أملكت كلّ قلبي الوفـي ومعك مفتاح
عقب الندم وش رأيته عن حب غيرك عميته
جـذعٍ ذوى عطشـان لـو ترفعه طاح
تتعب معه لو ركيته ما هو بحي لو سقيتـه
أبعد عسـى في دربـك اليــوم ترتاح
أنت الذي أهتويته ولا .. بالغصيبه مشيته
لا تنتظر رجعه ولا تطري اصـفاح
ما أقول حبك وطيتـه ما أقول حبك نسيتـه
جـذعٍ ذوى عطشـان لـو ترفعه طاح
تتعب معه لو ركيته ما هو بحي لو سقيتـه
فـي غايتك تهوى على ملك الأرواح
صدق الخيانـة جزيتـه يا كم بغيري نويته