تنثر شتاتي بروس الرمش والمه
على مطاف العيون احرمت باحرامي
صار الغلا وجهتي واشواقي اليمه
ما اصدق اشوفك وانت قدامي
يا ادمي كل مافيني نشف دمه
اركد على ضبيبة الاشواق يا رامي
القلب بالهون يا عين امسيه ضمه
ريح خفوقي وطمن رجفة عظامي
لا تسأل ان شفت حالي منسمه
معقول ما تدري انك مصدر آلامي
شفني وصلت بقصيدي لأجلك القمة
مع كل كذت ابرفع بيض الاعلامي
عطر المحبين من مبطي وانا اشمه
ما كنت قبلك احس بعطر الايامي
قلي عن اللي تحسه صوبي بذمه
مليت يابن الحلال اعيش بأوهامي
عشاقي كثار لكن فيك مهتمه
يا آخر دروب الغرام واول هيامي
اتعس من الطفل لامنه فقد امه
هذي انا طفلتك يا فارس احلامي