ما بــقالي قـلـب يشـفع لك خطيه
ذوبـتـه جـروح صـدك والخـطايا
صاحـبـي بالله .. لا تعـتـب عليه
العتـب ما عاد تاسـعه الحـنـايا
كـل جـرحن فـاتـنـي مـنـك هـديـه
وش بلاك تخاف من رد الهدايا ؟
الله اكـبر .. كيف مالك مقدريه
وكـل ما تـحمله من همي بقايا
لا تـمنـيـني ..سـراب المهـمهيّة
القراح اليوم .. ما يروي ظمايا
وان غدا للحب فى قـلبـك شـظـيه
وش يقول اللى غدى قلبه شظايا ؟!
بدر بن عبد المحسن