أجمل المواقف الرمضانية ،، صراحة ما يكتمل جمالها الا بوجود الاهل و الاحباب
و عز الله ما من جمال بعين ذاته في الغربة ، صحيح انه شهر بركة وخير، لكني من جد فاااقد جمال هالشهر، دراسة واختبارات و عزوبية يحلّيها وجود الزملاء الاعزاء اللي معي.
بالنسبة لابو عزوز و المواقف ،، فلا يخفى عليكم انه مزوحي وانسان يحب الضحك و المقالب حدّ الاغمااااء ،
أذكر مره من المرات و برمضان يوم كنت بالرياض ، هذيك الايام كانت اول ما بدا ياسر مع نادي الهلال وعزمته للسحور ، و احلى تكتكه في الطبخ و سلطات وحركات المهم فيه شي اسمه سحور و الكبتن ماخذ الدعوا تساهيل ، و لا جا الا قبل الاذان بشويات ، من الجوع و شويّة حقد لطيف مابغيت افتح له الباب ، بس نبي الأجر من الله، و ما غير ننكب السحور سااااادة بدون سلطات وحركتات و لا تهنيناا ، لكن مردودة ان شا الله