ظلام الليل وانسام الشمال ونايحات الدووح=تسوق النفس في درب القصايد لين تغريني
واغنيها على الناي الحزين بصوتي المبحوح=وتطري لي مشاوير الغرام ولوعة سنيني
وارددها وانا ادري بالنتيجه سهر عين ونوح=محطات الشقاء في رحلة الذكرى عناويني
اكن الغيض وبروق العنا خلف الضلوع تلوح=وعزة نفسي بدرب الخظاء ترفض تمشيني
غريبٍ في زماني عشت غربة ذات غربة روح=عطيبٍ مابقى لي بالزمن شيٍ يسليني
جريحٍ في زمانٍ قاسيٍ مايرحم المجروح=صريحٍ واشهد ان لولا الصراحه مابكت عيني
انا ماكنت اصدق من يقول ان الصدور تفوح=الين النار شبت فالحنايا واسرفت فيني
الا ياهم يكفي ماحصل مالك معي مصلوح=يكفًي ماوصل ماني بصيدك لاتعنيني
انا من لي بدرب اهل الوفاء واهل المعزه شوح=خطايه يوم مع درب الهوى سجيت رجليني
عزايه هو شقايه ذكريات المترف المملوح=جميل الوصف حبه عن جميع الغيد معميني
وليف القلب انا فشباك حبه بالغلا مطروح=موسيقى الشوق تعزف له من ابياتي وتلحيني
تسميني غلا الدنيا ومرات بنديم البوح=واسميها بمملكتي معذبة المزاييني
هذاك اول يوم ان الوصل مع كل الغلا مسموح=ولكن دارت الدنيا علينا وينه وويني
سقااك الله يادربٍ معه كم كنت اجي واروح=ورعاك الله يادارن سكن بك كامل الزيني
الا يالي تعرفونه مدام ان الغلا مفضوح=ابي لا من لفاكم تنصحونه لجل ثنتيني
الاولى لجل دمعٍ من سبب بعده غدا مسفوح=بعد مامت من سبة جفاه ابيه يحييني
وترى الثاني سبق قاله سعد علووش يوم يبوح=اقوله بدبل ابه كبود ناسن ماتدانيني