 نقطه إنطلاق التقرير السياحي :
مِن . . ( بريده   )
ثم . . ( الرياض  )
إلى . . ( كوالآلمبور  )
×الرحله كانت . . .
قبل الاختبارات النهائيه ! 
لِ فتح النفس للمذاكره وقضاء فترة نقاهه قبل الارهاق الدراسي 
بدايه الرحله . .
توجهنا من بيتنا لِ مطار بريده لمطار الملك خالد
في المطار طال الانتظار 
و زاد التعب وخربت النفسيه و خدرني النوم 
بصالة الانتظار رايحه جايه ماشوف غير وجيه مفطوسه 
جلست لحالي غفيت شوي ! و إلآ خواتي يمر من عندهم " الدعيع " 
جن لمي يقولن الكام معك تعالي صورينا مع الدعيع !
بالاول حسبته مقلب , بس شفته من بعيد يمشي ومعه جندي
حاولنا نلحقه بس سبقنا وركب المصعد ولآ قدرنا نبعد عن بوابه ماليزيا :(
أمي تقول ماتوقعته بهالطول مآ شاء الله 
_ [ . . . رحله كوالآلمبور يرجى التوجه إلا البوابه .  . ] !
. . الساعه 11 باليل , صرنا بالسما ثمان ساعات
خيّآتِي قبل الهبوط . .
لقطه جويَه لِ مَاليزيآ . .
_ وصلنا كوالالمبور تقريبآ العصر ,
لقطه من الباص اللي ياخذنا من الطياره للمطار . .
كان أسقبال الماليزيين . .
باللهجه السعوديه . . " يالله هيُّو , يَ مرهَبا , فيه تكسي تعالو . . ."
ترحيبهم جميييل حبيتهم 
. . نظامهم في المطار يستلمك واحد ويجيب لك شناطك ويوجهك للتكسِ 
بِ المطار . . ( الفيس توها صاحي من النوم )
مدخل العاصمه . .
. . وصلنا شارع العرب أفضل شارع للسياح بَ العاصمه
تقدر تتسوق وتطلع تتعشا وتتمشى من دون سياره
نزلنا فندق دورتس ريجنسي
+ حطيت شعار الفندق . . [ للإطلاع أكثر هُنا ]
من لوبِي الفندق . . " فيه سهرات ذاك وذاك باليل  "
رقم الدور . .
غرفتنا أنآ وخواتي . .
أطلالة الغرفه . .
. . وَ أرتحنا شوي قبل مانطلع نتعشا (جوعانين )
أغراضي الضروريه لكل طلعه . .
الكام+ البوك + النظاره + الشنطه ,
طلعنا من الفندق ع هيك جو . . ( رذاذ )
المطعم ع نفس الشارع . .
أصنافه طيبه كتير . .
_ صار المغرب وحنآ بالمطعم . .
بعد ماتعشينا رجعنا للفندق مشي من دون سياره . .
لآزم أمر عليه هالرسام . .
عجبني الشارع فيه ماركات ومطاعم عربيه كثيييره . .
إنبسطت إنها ع نفس شارع السكن . .
_ بعدها نمنا من بعد تعب وأرهاق السفر ,
×اليوم الثاني . .
صحينا الصباح . .
أول ماصحيت لقيت منظر المطر والغيوم ع الشباك . .
نزلنا لِ مطعم الفندق نفطر . .
_ بعدها طلعنا مع سواقنا (المرشد السياحي ) . .
لِ مرتفعات الكاميرون ثلاث ساعات للوصول ,
لقطه من شارع العرب طالعين ع الكاميرون . .
هنا قربنا من الكاميرون وابعدنا عن مباني العاصمه . .
دخلنا عَ المرتفعات . .
وكنا خايفين من الجو لآنو الجو في المرتفعات يامطر كثيف يَ لآ شيئ
وَ بالطريق لِ الكامرون وقفنا عند شلالات الكاميرون
كائن لطيفه . .
_ وكملنا طريقنا للكامرون . .
الغيوم كل ما إرتفعنا كل ما تتكثف لحد ما نزلت أمطار خفيفه . .
قربنا من مزارع الشاي "المدرجات الخضراء "
الطريق بين المدرجات . .
وصلنا ونزلنا وَ الجو ضبابي . .
لحظتهآ حسيتني بحلم
معئول دنا شايفه الجنه !
عيوني شوي وتدمع سبحان الله الطبيعه فتنه
الدنيا خظراآ حواليني , صارت عيوني خضرا
جلسنا ساعتين مبهورين
شوي شويه أستوعبنا إننآ بعلم موب بحلم
أوراق الشاهي عن قرب . .
طايره من الفرحه الدونيا جنه خظرا . .
وَ بعدين أخذنا السواق لِشركة (بوه ) صاحبه مزارع الشاي . .
_ الجلسات مطله ع المزارع . .
المدخل . .
لقطه من كرسيي للمزراع . .
_ غطت علينا الغيوم ومطرت علينا . .
فَ دخلنا لِ الجلسات الداخليه . .
تبكي لييه يدخلونها تبي تطلع تمسك السحاب . .
. . والدنيا تمطر رحنا نشتري شاهي . .
إكتشفت من منتجاتهم إن الشاهي له أنواع وأشكال وألوان . .
وأنآ كنت أحسب مافيه إلا شاهي أحمر وأخظر . .
بعد ما أخذنا جوله بالشركه ومعرض الشركه شفنا فيه غرائب الشاي 
همن إنتظرنا بالشركه لحد مايوقف المطر . .
همن طلعنا من الشركه ,
لقطه من اطلالات اللي جلسنا فيها . .
_ كملنا تجوالنا في الكاميرون . .
وإتجه فينا السواق لِ حدائق الفراوله . .
لقطه من الجلسات المطله ع المحميه بتاع الفروله . .
قبعه الزي الخاص لمُزارع الفروله . .
كل شي يبيعونه ستروبيري ستروبيري حتى الحلاوه
قائمه محل الأيسكريم . .
هنا تسوي لك بنفسك الايسكريم بمساعدتهم . .
_ بعد نص ساعه غطت علينا غيمه سودا
وصبت علينا . .
السواق يركض عشان يقرب لنا السياره للمدخل . .
وطلعنا من المحميه . .
_ بعدين إتجه فينا لِ المناحل . .
ماقدرنا ننزل لِ النحل بسبب غزاره المطر . .
لقطه من البلكونه المطله ع المناحل . .
زوم لِ بيوت النحل . .
_ حاولنا نكمل جولتنا الكاميرونيه بس قرب الليل والمطر والبرد يزود . .
فبالتالي أضرينا نرجع لِ كوالالمبور . .
وصلنا الساعه 9 باليل للعاصمه . .
تعشينا و رجعنا للفندق ننام بدري عشان نقوم بدري  ,
× اليوم الثالث . .
قمت الصبح متأخره و نزلت ألحق ع الفطور . .
لقيت أمي مجهزه لي الفطور . .
وأبوي مهوب موجود
سألت عنه قالو صديقه الماليزي أخذه لِ جوله للجامعه الاسلاميه العالميه . .
_ طلعنا مع السواق لِ أسواق و ملاهي ( تايم سكوير )
أخذت نظره سريعه للمحلات وطلعنا لِ الملاهي
الملاهي صايره خريطه من لعبه القطار اللي يدور ع الملاهي كلها . .
اللي لونه اورنجي هو القطار من طوله عادي يمر فوق راسك بسرعه
لعبن خواتي لين ملن . .
أنآ لقيت لي وحده سعوديه طقيت معها سواليف ولعب
وسوينا علاقات ماليزيه كثييره وأكثرهم عيال
حوالي ساعه ونص نلعب سوا
لحد ما جاء أبوي من الجامعه وتركت خويتي . .
صاله البولينق لعبت فيها مع أبوي . .
رياضه صعبه شوي يبي لها روقان وطول بال وتنجح بها .
حلويات مجسمه . .
_ بعد ما لعبن البنات رجعنا مشي . .
و بالطريق مرينا ع سوبر ماركت المحطه . .
_ وصلنا الفندق . .
والمغرب تقهوينا . ,
ونزلنا ع السوق ( تايم سكوير ) بَس أنآ وأمي
وخواتي مع أبوي . .
هذا كان بنفس اليوم إحتفال مادري وشو صيني . .
هنا الاطباق بتاع الصين ( الاعواد ترتيبها ع شكل صليب )
_ طلعنا من السوق ورحنا لم خواتي وأبوي بالمطعم لآنه ع نفس الشارع
ومير نتعشا ونرجع للفندق ,
بطريقي لآزم أمر عليه هالرسام . .
هذا الشي خاص للمكفوفين عشان يدلون الطريق . .
وهذا شوبنق ثاني عندهم إحتفال صيني . .
أخذنا تاكسي لآنو خفنا نمشي باليل . .
_ كان يوم هادي بالنسبه ليوم الكاميرون . .,
× اليوم الرابع كان نفس الثالث كملنا شوبنق أنا وأمي
والخامس قررنا نطلع ع جزيره بينانق . .
ماصدقت يقولون بنطلع ع جزيره , عشان البحر . .
طلعنا من العاصمه ناوين على الجزيره
الطريق اللي يودي للجسر . .
راحت ثلاث ساعات ولآ وصلنا للبحر
أشغلت السواق متى أشوف البحر مليت من الخظره
يقول : أإنتظري سنصل قريبآ -> أخوس متعلم فصحى
بالطريق لقينا هذا النهر ونزلنا نتفرج . .
_ ووقفنا عند محطه نصلي به . .
مدخل المسجد . .
المصلى وترتيب السجادات . .
مخرج المسجد . .
المحطه . .
أول من يركب هالبنت . .
مواقف خاصه لأصحاب الاعاقه . .
_ وكملنا طريقنا . .
مدخل الجسر بعد خمس ساعات وصلناه . .,
أخيرا بشوف البحر . .
الجسر والبحر . .
ربع ساعه وندخل الجزيره , عطول خلص الجسر . .
بيِّي كاتب أسماء الفنادق بعجله . .
وصلنا منطقه باتو فرينجي
نزلنا ع فندق ( باي فيو بيتش ) . . .
[ لِ الإطلاع عالفندق هنا ]
الفندق جمييييل من الداخل
ريسبشن الفندق . . ( تلاحظون المراوح ماعندهم مكيفات )
لوبي الفندق كبييير . . تبيه مرقص تبيه قاعه سووه لك
هذا بعد باللوبي . .
قررت أجي لمه كل ليله أسكر شوي
جلست جنبها تقولي . . ( نخبك يَ أُختي ) . .
لآ جد البنت عاشت الدور
_ ومير نطلع ع الغرف . .
أول مادخلت ركضت للبلكونه بشوف البحر . .
وَ طلعت للغرفه الثانيه . .
لقيت البلكونه تطل على بيوت عجيبه جنب البحر
كنت أشوف هالبيوت بأفلام الكرتون ماتوقعتها حقيقيه
كيفي بس وأنآ أسوي القهوه بريحه البحر !
_ جاء الليل . . .
الساعه 10 طلعنا نتعشى بمطعم لبنان
غضو النظر عن الشيشه . .
_ رجعنا للفندق الساعه 12 . .
دخلنا اللوبي وكان مزبط لمراسم زواج . .
أنآ وخوآتي نطل من غرفتنا ع الزواج
أمي تقول وع عرسهم مابوه طقاقه . .
× اليوم الخامس . .
الفجر قمت بدري عشان أشوف شروق الشمس ع البحر . .
بعد ماأشرقت طلعت ع الغرفه الثانيه أصحيهم . .
ومن البلكونه جلست أتفرج ع البيوت كيف عايشين فيها الناس . .
و َنزلنا نفطر من فطور الفندق . .
إستغفر الله أكلهم يحوم التسبد أكرم الله النعمه . .
الموز شكلة ! . .
أبوي يقول لآنه منهم مايستوردونه
مطنقره من الفطور ماعجبها . .
بعذرها لو ماجاز لها الاكل , حتى الحليب غريب لونه
_ بعد الفطور طلعنا لِ قاردن الفندق عشان نطلع للبحر
هذا الطريق اللي يودي للبحر . .
المسبح بتاع الفندق . .
الفندق من القاردن . .
وصلنا البحر
جلسنا عند البحر شوي عشاني بس
البحر مايمدحونه الصبح يقولون العصر أحسن وقت . .
فرجعنا للفندق ولقينا السواق ينتظرنا . .
. . وَ مرينا ع نهر ونزلنا نتفرج عليه . .
_ وأخذنا السواق لحديقه الفراشات
[ لِ الاطلاع عليها أكثر من هنا ]
كانت نايس شفت فيها مراحل نمو الفراشه . .
وأنواع الفراشات وألوانها وأسرارها وحياتها . .
مستنقع ضفادع وأسماك بنفس الحديقه. .
وَ فيه قسم ل العقارب والثعابين . .
ودخلنا ع معرض الفراشات . .
فيه صور وشرح ومجسمات وفراشات محنطه
وَ فيه قسم للحشرات . .
فيه حشرات جميله . .
هذي حشرات ملونه زي الخنفسانه عندنا . .
وهذي تماثيل منحوته تخوف . .
أحجار كريمه . .
_ وِإنتهت جولتنا بحديقه الفراشات . .
وأخذنا السواق لِ حديقه الفواكه
جلسات الانتظار . .
كان معنا قروب اخذونا بسياره خاصه ( اللقطه لِ إسم السياره . . )
طريق أشجار الفواكه . .
هذي فاكهه تزيد نسبه الذكاء . .
هيدا الشب اللي بيشرح للقروب . .
جوز الهند . .
ثمرة الشوكلآته . .
اشجار البرشوم , غريب شكلها . .
هذي أشجار لفاكه تعالج الربو . .
أبوي جربها و عطول راحت عنه الكحه . .
,
_ فيه أشجار وأنواع كثييره من الفاكه يبي لها موضوع خاص . .
فيه فاكه سبحان الله يعصرونها تطلع كريم للبشره
وفيه نبته إسمها ( المستحيه ) سبحان الله إذا لمست أغصانها تنكمش وتذبل كأنها تستحي . .
وفيه أشجار ضخمه جذورها من كبرها تقول جذور . ندخل بوسطه . .
نهايه الجوله يستقبلوننا بِ بوفيه لكل انواع الفواكه اللي شفناها . .
,
و بعدين رجعنا بنفس السياره مع القروب . .
وابوي إشترا من الشركه علاج الربو
وإحنا إشترينا العطر أحسن من عطور بودي شوب
_ بعدها رجعنا للبحر لآنه صار العصر . .
لعبت بالدباب البحري ساعه ونص
وسبحت بالبحر , طلعت كل طاقة حبي للبحر
الغروب . .
همن رجعنا للفندق وإمتلى اللوبي مويه منّا . .
× اليوم السادس . .
صحيت الفجر لجل البحر وريحته
نزلت أفطر لحالي لآن أهلي غاطسين بنومه . .
ماكانت الكام معاي تركتها تشحن
طلعت ع الغرفه الساعه 9 لقيت أهلي صاحين يفطرون بالغرفه . .
ضفينا العفش لآنو بنرجع للعاصمه طيران
طلعنا من الفندق لمطار بينانغ . .
السواق وأخواتي بالمطار . .
وَ بِ صَالة الانتظار . .
خواتي فيهم طاقه إستهبال
وحده راكبه عربه الشناط والثانيه تفحط بها
الطياره . .
أقل من نص ساعه ووصلنا العاصمه كوالالمبور
ما أمداني أربط الحزام إلا يقولون وصلنا . .
_ فندق لآنسون بلآس كوالآلمبور . .
[ للإطلاع عالفندق أكثر هنآ ]
. . المغرب سويت القهوه . .
كالعاده مانستغني عنها . .
_ الساعه 11 طلعنا نتعشى بمطعم طربوش . .
×اليوم السابع . .
قررنا نطلع ع مرتفعات جنتينق . .
تعبتر منطقه ترفيهيه من الدرجه الاولى . .
[ لِ الاطلاع أكثر ع جنتينق هُنآ ]
طلعنا لها مع السواق بالتلفريك . .
لوبي التلفريك . .
هذا التلفريك أطول تلفريك بأسيا ( ربع ساعه ) . .
كل شخص يركب يصورنه لآ وصلت باعو لك صورتك . .
ركبنا مبسوطين من الجو . .
لآنو لو صار ضبابي موب شايفين شي . .
ومير يغطينا الضباب . .
معصبه من الضباب عجزت تشوف . .
قربنا للملاهي جنتينق . .
,
وصلنا ونزلنا ومشينا مسافه طويله لآن الملأهي اللي نبيها خارجيه . .
المدخل . .
تلبس سواره بثمانين رينقت تقريباً وتلعب ع كيف كيفك . .
خيَآتِي ركبو القوارب . .
وأمي وأبوي مادري وين راحو . .
لعبت ذي اللعبه جنااان . .
ترقا بي بالهداوه لحد ماأختفي بين السحاب
فجأه تطلق نفسها للأرض بكل قوتها تفقد فيها التنفس . .
بهاللحظه حاولت أصرخ بس عجزت أفتح فمي من قوه الهواء . .
يوم نزلت صارو خواتي مخلصين لاعبين وجايات يتفرجن علي 
تقول إختي روحي نسيتي قلبك متعلق بالهوا
_ بعدين إختي رآحت تلعب لحالها ورولآ معي . .
دورنا على أبوي وأمي . .
لقيناهم يتسابقون سيارات
ماتسابق إلا بِ جوازك
هنا رصيف تتبع السيارات المتسابقه
رقينا فوق عشان نتفرج ع السباق بوضوح
أنآ ورولآ صرااااخ وتشجيع , لآن امي سبقت أبوي
وفازت أمي على أبوي و واجه أبوي أنواع الذب
,
همن ركبت نفس اللعبه اللي ترقا بين السحاب بس هالمره مع أبوي
خليته ينزل وجهه أحمر من الخوف
بعد هاللعبه رحت أنآ وأبوي نلعب كل قطارات الموت
مافيه غيره يلعب معي باقي أهلي يخافون . .
صار لنا أربع ساعات نلعب . .
آخر لعبه نزل علينا مطر تقولون فيضان
ع طول وقفو اللعبه وطلعونا ع المظلات
كان عندهم أستعداد للأمطار حاطين معابر خاصه للناس وقت الامطار . .
دخلنا الملاهي الداخليه وتعشينا من بيتزا هت . .
,
همن رجعنا بالتلفريك . .
ماقدرت أصور لآن الدنيا ظلما وبررردانه . .
أستقبلنا السواق ورجعنا للفندق . .
طول الطريق أنآ نايمه . .
× اليوم الثامن . .
صحيت الساعه 2 باليل أنتظرت الفجر يطلع . .
مليت نزلت لِ الرسيبشن طلبت إنترنت
ودخلت ع القناص وقروب نبض الوطن . .
هذا مكاني أكلمكم . . ( ظل عابر , النادره , جنه , كليو بترا , مرّت سنه , .... إلخ )
مره بالكرسي لآ مليت جلست بالكنب . .
,
. . طلع الفجر وأهلي قامو ورجعو ينامون . .
أنآ نزلت أجيب فطور من السوبر ماركت
ورجعت لقيت أهلي بعدهم ماقامو , مبين إنهم تعبانين من اللعب
جلست أطالع مدرسه من الشباك . .
تمنيت أني أدرس معهم . .
_ ومير يقومون اهلي الظهر طلعنا نتغدا . .
ومرينا على البرجين التوأم ( بتروناس ) . .
نزلنا فيه نتسوق أنآ وأمي . .
× اليوم الاخير . .
الظهر قامو أهلي راحو يتغدون . .
وأنآ جلست أضف عفشنا لآننآ بنطلع من كوالآلمبور للسعوديه . .
خلصت و إنتظرت أهلي وغفيت . .
طلعنا لمطار كوالالمبور ,
مدخل شارع المطار . .
ودعتنا ماليزيا بأمطار
المطار جلسنا فيه حوالي ساعتين
من شوقي للسعوديه حسيت أني أنتظر سنين موب ساعتين . .
بصاله الانتظار كنت أسولف مع سعوديه عشان أخفف من القلق اللي فيني
,
ومير يعلنون عن الرحله وودعونا . .
مدخل البوابه اللي تودي للطياره
يوم شفت الجنود سعوديين شوي وأصيح حسيت إني بعيده عن أهلي وناسي
بالمدخل صوت لنا أبوي قال شوفو الطياره . .
بس شفنا إنها سعوديه من الفرحه قمنا نصارخ
مير إختي شوي وتصيح تقول يَ بعدي أنتي السعوديه مردي لك وين مااروح . .
والسعودين يضحكون علينا . .
شسوي تتعب وأنت خارج بلدك من الوله
|