.
.
.
السلام عليكم ورحمة الله وبركاته
صباح / مساء الشعر 
اقدم لكم اخر ما سطرت
قصيدة للتو اكتملت ولادتها للحياة
^
^
^
تقول لك مده ما تكتب قصايد ؟
وأقول طيب ترى ماهي غريبة !
تبـين اكتب لأجل اني اكتب ؟
ترى هذي تعتبر عندي "مصيبة"
الشعـر هذا عندي احساس نادر
أثـمن قيـمته ودووم اعتني به
انا ما اكتب عشان اني اتواجـد
ولا ادور شي لأجـل احكي بـه
إذا ما كان الشعر "يوصل رساله"
فلا خير به ,, ولا باللي يجي به
قد قالوا الشيبان لسانك حصانك
انتـبه تنطق لك بحاجة معـيبه
وانا الشعـر لـه عندي مكـانه
مثل مالي عنده : ( قـدرً وهيبـه )
احفـظ مقامـه واجيـبه بوقـته
ويهديني الجزلات مـن قوّ طيبه
بكره بموت ويقال ( مات شاعر ) !
ترك خلفه شعـر الكل / يحكي به
وش فـايدة اني اكـثف تواجـد ؟
لاصار معنى القصيده في غيبـه !!
عرفتي الحين ليش أني ما اكتب ؟!
ياللي قلتي / تركي منك غريبة !!
حررت الساعه 30 : 1 صباحاً
الخميس / 26 / 8 / 1432 هجري