يالبى قلبك يـ شيخه رمضان اطلق شهر تتربط شيطاين الجن بس تبقى شياطين الانس يعني البلا فينا بس ن جد رمضان انسب وقت للتغير لن المعاصي تقل اذكر سالفه سمعتها من احد الشيوخ يقولك في وحده تكلم واحد دايم بس يوم جاء شهر رمضان دق عليها وقالت له اللحين رمضان كلمني بعد العيد يقول الولد تمنيت انها تقول لاتكلمني ابد الولد يبي يتوب وهي لا بس اللي يبي يتغير يتغير محد يمسكه خلاص خلنا نعلنها توبه لله وشنبي بالمسلسلات اللي تضيع وقتنا تقعدين على التلفزيون بعد التراويح وماندري الا الساعه 2 ولا3 نقوم نتسحر ثم نصلي ونحط راسنا على المخده ولو نقعد نحاسب يومنا ندور شي سويناه زين مافيه كل اليوم راح على التلفزيون معقوله هاذي حياه هذا طموحنا ان حياتنا ينضمها لنا تلفزيون يعني هم يوقتون متى نقعد على التلفزيون ومتى نقوم هاذي الحقيقه بس محنا منتبهين ماتدرون يمكن هذا اخر شهر نعيش فيه يمكن مانلحق على رمضان السنه الجايه يما ماتو ناس كثير اعرفهم واغلبهم شباب العمر يمضي وحنا ماقررنا نبي الجنه ولا النار ولا نبيهم كلهم من جد لازم نقرر واذا قررنا صح واخترنا نصوم رمضان زين بدون مسلسلات وقرف وضيقه صدر بتجينا فتن بيجينا احد ويشغل التلفزيون ويديره على قناه مسلسلات قدامي ويتابع هنا يأانصحه واقوله خلنا نصوم لاتخرب رمضان علينا شوفها بعد رمضان اذا ميت عليها واحتمال كبير يرفض عاد هنا اسحب نفسي واطلع عشان مااتابع المسلسل وانشد مع الاحداث واصير اتابعها كل يوم فنقطع السالفه من اولها ابرك مااجلس بمكان التلفزيون اذا يتابعون شي يغضب الله وغير كذا انضم وقتي اصلي التراويح واجي اقرا قران واتابع قناه بدايه فيها وناسه وسعه صدر وجو ايماني زياده على كذا مافي معاصي وشنبي غير هذا واجلس مع اهلي نسولف بشي حلو بدون حش اكيد وهذا اللي يبيلنا نتخلص منه اذا ماحشيت يجي غيري يحش وانا افتح له اذاني اسمع احيان مابيها تحش بس من باب المجامله اسمع مدري وشلون اتصرف بذا الحاله صح المفروض اقولها الحش حرام بس الطريقه كيف تجي ومايزعل اللي قدامي وينكسر خاطره انا جربت رمضان العام ماتابعت التلفزيون بتثناء القنوات الدينيه وصليت التراويح والقيام كانت ايام سعاده × بسعاده والله وراحه بال خصوصا يوم اطلع من المسجد والقى بنات جيرانا ونقعد نسولف واحلف عليها وتحلف علي نسير على بعض وارجع البيت وانا قمه الروقان من جد شعور لو اوصف فيه اتعب مايحس فيه الا اللي جربه ورمضان هالسنه بعد بسوي كذا وادهرت رحت امسح القنوات الشينه وازعلو اخواني بعدين رجعتها بس حذفت سينما والاغاني نبي نصوم ياعالم محد عطاني وجه الله يهديهم يارب شغف قرقرت واجد بس موضوعك شيق ويحتاج وقفه الله يجعلنا وياك وجميع المسلمين من صيام رمضان وقيامه على الوجه اللي يرضي الله الله يحفظك