فيك تردين بِ اسلوب ارقى من كذا
بعيد عن الضحك والكلام من جوانب
اللي بيرد يرد بصلب الموضوع
مو يتكلم بِ جوانب ومن كلمات فقط
مو عشاني انا
عشان وجهة نظرك امام الكل تنتقبل !!؟
لان بالاخر لي مبدئي بالكتابه
ولااكتب شي الا اعمل له الف حساب
هذي تواريخ ومدونات محفوظه بِ تاريخ كل من ذكرت بموضوعي
سواء بخالد ولا ام كلثوم
ومافيني اجيب شي من عندي
ومو من مجرد بحث كتبت
الا اعرف كثير ومتعمقه بالشي اللي اكتب عنه
وصعب اكتب شي
يقراه الغالبيه بتاريخ ام كلثوم
ويصير مختلف من طرحي
لكن فيك تردين
بايصال المضمون بطريقه افضل
ولو عندك حس طربي وتفهمين بالفن والوانه
كان رديتي بارقى ماقارنتي بشعبية ماذكرتيهم
وراح اكلمك بالشعبيه ولا يهمك
لاني اعرف وش كلمة (( شعبيه ..
لكن الان الاهم من ذلك محد يعلمني بام كلثوم
اعرف شعبيتها واعرف فنها من بدايتها لنهايتها
اعرف هجوم الجماهير عليها ببدايتها
بسبب ايش ..؟! انها فنانه شعبيه وصعيديه
وفيك ترجعين لفنها بالبحث
وخلي الصعيد الفني على جنب
حتى انه قيل على الصعيد الشخصي
كيف فنانه شعبيه فنانه فلاحه صعيديه !!؟
) تحمل الجواز الدبلوماسي !
وكيف من فنانه شعبيه فنانه فلاحه صعيديه !!؟
) تاخذ من الرئيس وسام ماياخذه الا بنات الذوات ..
وكذلك كيف تصير سفيره عن شعب متحضر ومن ذوات
وهي بالمرجع مجرد فلاحه !!؟
يَ حيي قبل انك تردين علي وتناقشين بطريقه غير مقنعه
راجعي واقري زين .. ومن ثم يحييك للنقاش
ف لاتقولين مافي فرق بين ام كلثوم وخالد
صحيح ام كلثوم محد يتقارن فيها ولااقارن خالد فيها
ولابصوتها ولا بتاريخها ولا ايا كان فيها
ماهو تقليل بخالد لا ..
بل ان مافي اصلا مقارنه بين كوكب الشرق
سواء بكلاسيكياتها واو شعبياتها
مع اي فنان وجد بالفن ككل
سواء من جيلها ولا من هالجيل
وكل كلامي مافي اي وجه مقارنه بينهم
وبين فن بعض
لان لخالد مساره المختلف
ومن بيئه مختلفه وبداوه مختلفه
لكن يربطهم شي واحد وهو اللي عنيته بطرحي
الا هو الاعتزاز بشعبيتهم والتشبث فيها امام كل الملا
وانهم طلعو للعالم بِ شعبيتهم وبداوتهم
هي طلعت بشعبيتها الصعيديه المختلفه
وخالد طالع بشعبيته المختلفه وبداوته
هي غنت لون يرجع لاصلها
وهو غنى لون يرجع لاصله
لذلك مَ يربطهم
سواء بالظهور الفني فقط والمرجعي
الا * مبدأ الشعبيه *
لكن تغييرها للالوان شي مطلب وهذا شي يخص مودها الفني
لكن مودها المرجعي وش هو ؟!!
وكيف وصلت للعالم !!؟
وصلت بام كلثوم المصريه المجرد فلاحه الصعيديه العاديه
ماوصلت بتحضر وخروج عن سياق اصلها وفصلها
وارجعي اسمعي لبداياتها وابحثي
خليك من كلاسيكيات ام كلثوم على جنب
ارجعي ل بداياتها الفنيه ارجعي لِ حوارتها بِ هالخصوص
وش قيل لها وش ردت
وشوفي وش غنت على جلسات متفاوته
سواء مع السنباطي ولا القصبجي ولا رامي
ولا الشيخ زكريا ولا ولا ولا ..
ارجعي لعلى بلد المحبوب وديني وغني لي شوي شوي
والكثير والكثير ولاني مضطره اذكر لك شعبياتها
ابحثي وراح تلقين الاجابه ..
سواء بحوارات ولا جلسات ولابداياتها الطربيه
وارجعي لاول حفله طلعت فيها للجمهور
وهي بالزي الصعيدي والاغاني الصعيديه
ماذا قال الجمهور تجاه وقفتها
وانه كيف فنانه شعبيه تطلع وتشتهر
ومع ذلك لحين وفاتها ضلت على شعبيتها
ولاهمها احد
وبخصوص شعبولا ومدري ايش من اللي قلتي
في مقارنه بين شعبية شارع محمد علي
وشعبية الطرب والمود المرجعي !!؟
وفيه فرق بين شعبية الاصل والمرجع والاعتزاز ..
وشعبية محمد علي اللي تقولينها ..!!؟
وليش تزعلني صراحتك !!؟
لاصار بِ صلب تعقيبك رد مقنع
ساعتها اقول يَ حييها وكلامك على راسي
وماكتبت هالموضوع حتى اختلف مع احد
لان ماكتبت شي يخصني كتبت شي منسج بتواريخهم
وكلش بالحفظ موجود
لكن انك تجين تتكلمين بِ الوان فنيه وقامات طربيه
بشي غير مقنع ولا مفهوم .؟
واتحدى واكتبها لك بالعريض
ان كنتِ فعلا فاهمه لِ كلمة شعبيه !!
لان لو فاهمه بالفن الشعبي والفن الاصلي
ماادرجتيها لِ شعبية ( شارع محمد علي )
وهالشي بحد ذاته خلاني اجزم ان مالك حدس بالفن الشعبي
فيه فرق بين شعبية شارع محمد علي
وفيه فرق بين شعبية اصل ولون طربي اصيل
ولو مالون ام كلثوم الشعبي اصيل
لِ ما ذكرته بموضوعي
ولما ادرجته بسياق طرحي ككل
لان محد يعلمني بِ بداية ام كلثوم الشعبيه
ومستعده اجيب لك شعبياتها
من الالف للياء ان مابحثتي
وراح اعطيك ايش من الشعبيات غنت
وايش من الشعبيات اللي وصلت للعالم
وهي بالاخر مجرد شعبيه الا ان اعتزازها بِ شعبيتها
هي اللي ثبتتها فوق موهبتها
وكذلك خالد قيل انه شعبي
ومع ذلك وصل لِ محيط بداوته وجمهوره
مو لازم يوصل للعالميه ولا للعرب
لان الفنان ام ماصل عند اصله وفصله
ماهو بواصل للبعيد ولا راح ينسج اسمه للامد البعيد
وطولت الرد مو تبريرا لِ طرحي
لكن للفهم بين شعبية محمد علي
وشعبية مااعنيته بِ موضوعي
وبخصوص كلامك عن مخاوي الليل
راح اتحاشاه وماراح ارد تدرين ليه
لان كل شخص يشوف اللي يحب مثل مايبي
وانتي هذي وجهة نظرك فيه وماراح تعيق
لانها تضل وجهة نظر لااكثر