- السلام عليكم مساكم الله بالخير مواضيع في بالي من فترة .. وفضيت اناقشها الحين ض1 - لما الطالب يروح للمدرسه .. وجاهز انه يتعلم <- ايه هين لازم المدرسه توفر للطالب حاجات منها الطالب يحب انه يجي المدرسه ولا يحس انها نكاده معروف ان الشيء لا حبيته تتقنه .. بس انك مدخلني سجن وتبيني ادرس ؟ يعني قد شفتوا واحد يقول يالله بيخلص الدوام يووه قهر اشوى اننا مسوين اغاني عن الطلعه من الدوام تحس بالحُرية وانت طالع اول شيء عقل الطالب يتحمل كمية مُعينه من المعلومات .. يعني الطالب عقله مايتحمل انه يسحب عشرين مادة بيوم واحد فـ لازم كل مُدرس يحط في باله يشرح شيء مُعين يركز فيه المعلومات عشان توصل للطالب اما انك تضغط الطالب بـ عشر معلومات بـ حصه وحده فأنت قضيت عليه ولما انت تقضي عليه المُدرس الي بعدك يبي يدخل والطالب مُقضى عليه ويجي المُدرس الي عقبه يبي يكمل 10 معلومات ثانيه وبكذا لما الطالب حاول يصحصح انقضى عليه مره ثانيه وبالنهايه تجي اخر الحصص واحنا فاهييين ماندري وين الله حاطنا فيه وتدرون وش المصيبه ؟ .. يحطون اخر حصص علميه يعني عندنا المُدرسين يحاولون يدفون اكبر قدر من المعلومات بحصه وحده يجي المدرس قبل حصته بدقيقتين ينتظر قدام الباب وبعضهم يجي قبل حصته اذا كانت الاولى ويبدا يكتب قبل ربع ساعه عشان يلقى فرصه يشرح اكثر انت لما تخلي الطالب جالس 3 حصص اولى بعدين راحه بعدين 3 حصص بعدين راحه بعدين حصتين او ثلاث ( بالنسبه لي في مدرستنا ) اول شيء ماهو زين للطالب نفسه انه يكون جالس كل هالفترة .. ممكن يتعرض لأمراض مثل البواسير والناسور .. تسبب ارهاق للطالب .. قل حركه .. عدم تركيز .. مافيه اي راحه للطالب فـ يحس بـ كتمه فـ على الاقل لازم يكون فيه لو 3 دقايق بين كل حصه وحصه الطالب يقدر يتحرك لو ( بالصف ) مايطلع برا يحرك جسمه على الاقل اما انك تجلس الطلاب لمدة ساعتين وشوي بدون اي حركه فأنت تكتمهم والمشكله في الفكرة الي تنفذت من كم سنه وهي الكويزات .. انه يجيك مدرس يقول بأختبركم الاحد ويجي مدرس ثاني يقول الاحد ومدرس ثالث يقول الاحد والمشكله لما تقول معليه فيه مدرس ماخذه قبلك .. يقول ياتختبرون الاحد ولا مافيه اختبار .. ولا ياتختبرون الاحد ولا بيكون صعب الطالب وش ذنبه ان المُدرس يتأخر بأختباراته لما تُطلب منه الدرجات وبعدين يبي يكرفنا بها ؟ وشهو الطالب عشان يختبر حوالي 4 او 5 اختبارات بيوم واحد ؟ الفكرة حلوه .. لكن ماتنفذت صح اببببد .. صارت للطالب هم اكثر من فايده .. المفروض يكون فيه جدول مُعين للمدرسين ويوزع للطلاب .. اي مدرس يختار يوم غير يومه علطول يرفضون الطلاب ما يُستفاد : اقروا الي فوق وتعرفون واهم شيء اني خلصت المدرسة -كلنا شفنا قطر انها فازت بأستضافة كأس العالم 2022 الله المستعان لكن تعتبر خطوة تقدم كبيرة لـ قطر بدون اي ادنى شك طيب لو قلنا ان احنا نبي نستضيفها .. لحد يطمر ويقول ماينفع شراب وبنات وبارات بالسعوديه خلونا نقول انها بدون هالاشياء .. ولحد يقولي احنا نستضيف الحج كل سنه الحج على عيني وعلى راسي وشغله صعبه بس خلها الحين هل السعودية قادرة على استضافة شيء بـ حجم كأس العالم حدث عالمي كبير بـ شعبنا ووضعنا الحالي ؟ دبي تبني اكبر برج بالعالم .. قطر تستضيف كأس العالم .. وباقي دول الخليج في تقدم ومازالت السعوديه تستضيف بطولة مزايين الابل لا اقلل منها .. لكن حاولوا بـ شيء اكبر من كذا أكثر دولة بالعالم تمتلك نفط .. هي من أقل دول العالم تطوراً وتحضراً الى متى ؟ الى متى نبي نشوف الحنوس والطعوس ؟ الى متى نبي نشوف تعصب قبلي بين القبايل ومشاكل مالها نهايه ؟ الى متى ؟ لكم ..