بسمـ الله الرحمن الرحيمـ . .
كلنا مع الوطن . . و مع الأخضر . . دائماً و أبداً . .
قصيدة أهديها للصقور الأخضر راجياً من الله أن يوفقهم و أن يسدد خطاهم لكي يرفعوا شعار لا إله إلا الله محمد رسول الله عالياً و هم قادرون على ذلك بإذنه الله . .
متواضعه أتمنى أن توفيهم حقهم . .
[poem font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قال لو تسمح يا بو مانع نبي تكتب قصيد=في الصقور الخضر و حنا شاكرين مقدرين
قلت أفا عليك ما هي هقوتي بك يالسنيد=كيف تطلبني و أنا مثلك سعودي ياذهين؟
كل من يقدر يساهم ساهم بما هو يجيد=ودامني شاعر بساهم بالفريد وبالثمين
واجبي إتجاه من يستاهل الحرف الفريد=ماني امقصّر عسى الله يلعن المُقصرين
منتخبنا طاب فالك طاب حظك يالعنيد=حن معك قلباً وقالب بالكلام وباليدين
وين ماسقت الخطاوي فلا تفكرنا نحيد=تقبِل؟ إنقبّل .. وتدبر حن معاك مدبرين
ويارجال المنتخب نفخر بكم والله شهيد=وصلوا وحنا معاكم يالصقور الكاسرين
ماراح ميّت وانظروا قدام بالشوف البعيد=و انتوا رِجالٍ قدها واقدود مانتوا عاجزين
حن معاكم بالمحافل نرفع بصوت النشيد=( سارعي للمجد والعليا ) وعاشوا الحاكمين
مشجعين وعاشقين وعشقنا عشقٍ تليد=و البيارق خضر و حنا للبيارق رافعين
الأمل كل يوم فيكم من مزيدٍ لا مزيد=بالعيون متابعين \\ و بالقلوب مأملين
افواصلوا وحنا معاكم يالنشاما مانحيد=و موفقين موفقين .. موفقين موفقين
همسة في إذن ياسر . .
لاتحرم الجوعان يالقناص وأقصد بو سعيد=ويشهد الله خابرينك ماتجيب إلا السمين[/poem]
أخوكم . .
][ قحطاني الواديين ][