●●●
الصدر ضايق .. وانت ضيّقت صـدري !!
............... وانا معك مـن غيـر وجهـة .. وتحديـد
ياكثـر ما تجرحنـي.. ويزيـد صـبـري
............... كنك تقول ازيد ..؟ واقول لـك : زِيـد
تقول ياعمري .. واقول : انت (( عمري ))
............... كنـي وراك اسمـع وش تقـول !! وأعـيـد
:
احيان اسولف فيك .. واحيـان اهـذري ................. كـنـي اســوي للأحاسـيـس تجـديـد
ماراح تلقي ( صدق ، واحساس ) كِثـري
............... وأن كان مانـت مصـدق اعطيـك تأكيـد
غنيت لك ( ياللي علـى البـال تطـري )
............... وانـا مـن يديـن الصـبـر للمواعـيـد
ورجعت أغني فيك { مآعاد بدري }
............... لو وقّفت دونك سلوم .. وتقاليد
:
أشفق على صوتـك مـع الليـل واسـري
............... حتـى وانـا جالـس بوسـط الاجـاويـد
أقسم قسم غزيتـنـي غــزو فـكـري
............... واصبحت تحكمني وانـا .. مقـدر احيـد
مو بس (( احبك )) إلا سلمتك امـري
............... ناقـص .. تجـي وتحـط بيدينـي القيـد
:
صرت اتمنّـى بـس .. يعجبـك شِعـري
............... حتى لو انه ماعجـب زيـد ,, وعبيـد ..
من ويـن أببـدا فيـك والوصـف يغـري............... نــور الليـالـي,, واحتفالـيـة العـيـد
تلعـب دلـع .. وانـت الدلـع فيك فـطـر ي
............... أي والله ( العـب فيهـم ) وكِيدهـم كيـد
:
عندك خبر !! صوتك رومنسـي وسحـري
............... واحساسـك اصلـي مامعـك شـي تقليـد
وزينك على بعضه ( مُميـز وحصـري )
............... إعجاز .. بـس اعجـاز مـن غيـر تعقيـد
شَعَرك .. ولا عيونك .. أو عـاد تـدري
............... مــاودي افـتـّح عـيـون المقـاريـد
:
تقبـّل احساسـي وحـبـي وشـكـري ..
............... حتـى لـو انــي ماقطـفـت العناقـيـد
وسلّم على قلبك تـرى الحـب ,, عـذري
............... ودوبـك علـى قلبـي .. فدتـك التناهيـد
أمّـا تشـوف لوضعنـا حـل جـذري ..
............... وإلا بـلاش نحـب .. ونعيـد .. ونـزيـد
●●●