أزريت أنادي .. يَ يبه يِمكن تجيب \ كبريت
لوّها الذّكرى تكفّي عن حبيب !
ما نِثرت الدّمع لا قالُو سعد
هُو أبُوي وْ عِزوتي وأغلى قريب !
هُو دِمُوعِي وفَرحتِي وأكثر بَعد
مِن رحل عنّي وذا يُوم المِغيب !
ما دِخل قلبِي سِوَى بَرق ورَعد ..
قِمت أنادي يَ يبه " يمكن يجيب "
قِلت نَايم .. لَا وِ توّه مَا قعد ..
قلت يمّه .. وِين ألقى لِه طبيب ؟!
امس جاني / وقال ما يِبعد " وَعد " !
كيف ابفهم وين راح اغلى حبيب !
دُون مَعرف / دُون حتّى لاسْتعِد !
هِي جرُوحِي كانَت بْشُوفه تِطيب ..
لِين رَاح .. وغمّض الجِفن إبتعَد ..
أزريت أنادي يَ يبه يمكن تجيب !
لِين قالوا .. صُوب ربّه هُو صَعد