!.. راح النهار ,, أبوَ فيًصلِ 20
راح النهار و جاني الليل بأحزانه
وأقول وينه حبيبي اليوم ماجاني
طول علي و عيني اليوم سهرانه
و ماله عوايد يخليني و ينساني
مرات أقول يتغلى و أحترم شانه
و مرات يقسى و يزعل و يتحداني
عذبني مابين ذكرانه و نسيانه
و زود علي الوله و إن رحت ناداني
أشتاق له إن تنرفز و أعشق جنانه
و يتشاق لي إن زعلت و زدت بجناني
علمني الحب في قربه و هجرانه
و علمته شلون يعشقني و يهواني
ومن كثر ماحبه درو فيه جيرانه
ومن كثر ماحبني دلوه جيراني
أغار من صحبته و حتى من أخوانه
ويغار هو من عيون الناس و أخواني
يزين صوته و هرجاته من لسانه
ويزين حتى العتب منه على شاني
ودي يجيني قبل لا تنعس جفانه
و قبل يجيني النهار و تنعس جفاني
وراح النهار و جاني الليل بأحزانه
و أقول وينه حبيبي اليوم ماجاني
زعيمهـ اسيا
××
|