البارحه .. والحلم ملّ من السهر=ومن هو يطيق الإنتظار ولحظته
تكالبت ضدي معاريض الدهر=من كل صوب محاوطتني قبضته
هوّنتها .. وآعوذ من زود القهر=اللي بيدين القرم زلزل نفضته
وماعقب آهات الكتوم إذا ظهر ..=صوت الونين اللي يجاوب نبضته
يسيل من عينه على خده نهر=يرعد ونينه والظليمه ومضته
يقول بكرى .. وبكرى عدّا من شهر=مدري متى الميعاد يعلن يقظته
والله لاسوق الروح لعناقه مهر=والشعر ماسهل عندنا من قرضته
بس أهتني بالحلم من بعد السهر=الله يجازي في طويله لحظته

وسلامتكم