بسم الله الرحمن الرحيم
ياسر القحطاني انا من مشجعين الهلال بزمن سامي واقولها بالفم المليان لايوجد مهاجم باسيا مثل سامي
مو تقليل بياسر ولكن فيك انك تكون احسن منهم
ياسر انا يشهد الله اني احبك ويشهد الله اني اغليك وابيلك الخير
ياسر انا لي 3 سنوات اراهن عليك بكل المنتديات . ولكن المحصلة اخسر الرهان
ياسر انا اشوفك قبل 4 سنوات تاكل المدافعين اكل
والحين القشل مشعل السعيد والرهيب وعبدالغني والطقة ماتقدر تمر من عندهم
ياسر قبل 4 سنوات كنت اسميك ياسر قول مثل ماسموا تريزي قول وباتي قول ( ترزيجية وباتيستوتا)
ياسر قبل 4 سنوات ماترحم بالمنطقة
ياسر انت كنت تستر على غلطة الصانع وتسجل والدليل هدفك في مرمى تونس. ولا مناولة محمد نور تحوم التسبد بس عشانك ياسر وعشانك ماترحم بالمنطقة وعشان مخك نظيف وعشانك برازيلي سعودي صرت افضل لاعب اسيوي
ياسر قبل 4 سنوات قدرت تفرط اللاعب ايسيان وهو من افضل محاور العالم
ولكن قبل 4 سنوات الكلام هذا مو الحين
ليه مايكون الكلام هذا بداية لياسر
ياسر ترى اي علاج بدايتة الاعتراف والقناعة بالمرض
ياسر انت فيك مرض .. مرض اسمة ياسر .. وعلاجه مو بالحبيب ولا المواساة علاجه عند ياسر نفسة
ياسر الناس قالوا ياسر مر بظروف لو مر فيها غير ياسر كان اعتزل .. ليش يقولون كذا وانت اللي جبت الظروف لنفسك
ياسر انا ماقدر اجاملك واقول ان مستواك زين المواسم الاخيرة
ياسر انا نقدت عليك بشي واحد .. وهو بالفيديو اللي حملتة للرد على اسئلة الاعضاء
وفيه سؤال سئله عضو وقال ليه ياسر ماصار هداف الدوري
وللاسف وش رديت ياياسر (( قلت !! انا حققت لقب هداف كأس اسيا وهذا اهم )).. ياسر حققت لقب هداف اسيا ب 4 او 5 اهداف بينما ناصر الشمراني يغرد بصدارة الهدافين كل موسم .. والمحصلة شركة اديداس جت وسوت كنادر وانتم بكرامه للشمراني لانه الهداف ويصف الشمراني مع ميسي وفيا وفورلان وزيدان مو لان ميسي وفورلان هداف كوبا اميركا ولا فيا وزيزو هدافين بطوله اوربا ... ياسر ماقدر اقول الا انك جيت لنادي كبير زي الهلال لازم تتحمل انتقادات جماهيرة الكبيرة...
ياسر انا احبك
ياسر مازلت اراهن عليك وبستمر اراهن عليك
ولكن عليك بالاعتراف
فالاعتراف بداية العلاج
اتمنى من الادارة عدم حذف الموضوع
واتمنى من الاعضاء ترك العواطف
وهذا كلام بنفسي ودي اوصله لياسر بس مالي الا المنتدى
وودي اقول شي اخير (( ياسر انا يقهرون الجماهير اللي قالبة ضدك .. ولكن اليد الوحده ماتصفك .. ومعاهم حق ))
تحياتي
واسف على الاطاله
احبكم كلكم