كافي اللي ضاع يَ اول حبيب
كافي عشق وكافي آمال وحنين
بعلن غيابي وضيعك النصيب
هذي القسمه انا مالي حزين
بجمع احلامي وارتبها غريب
وارجع اسافر ولاتسالني وين؟
لان هالقصه نهايتها قريب
وانا وجروحي تعبنا من سنين
لاتداويني مالي لحاجة طبيب
ولاتواسيني ترى عندي يقين
إن ربي لـ دعيته يستجيب
وإن ربي بخيرته شي ثمين
اقبل اعذاري وسامح من يغيب
وانا بدعيلك عسى حظك يزين
ويجمعك بالغير ويتم النصيب
ولا انا بنساك وربي لي يعين ..!
نزف..
آخر امالي