SAUDI TALENTS IN YOUTUB مؤخراً تفجرت مواهب شبابنا على اليوتيوب كل واحد يجيب له كاميرا وخلفيه رمادي ولا ابيض ويجلس ينكت وينتقد طبعا فيه الصالح وفيه الطالح وفيه اللي يستخف دمه وفيه اللي يخليك ودك تعيد اليوتيوب مرتين وثلاث وماتمل لكن المستغرب بعض القنوات اللي منتشره واصحابها سعوديين و خليجيين بدل التكرار والتفاهات وكل واحد حاط لك " له عيون بس مايشوف ! واللي جايب لك كتاب " هل تعلم ويقولك اتصل واربح 100 دولار ! لو انهم يلمونهم ويتبنون مواهبهم كان مافيه احد مل من التلفزيون مثل اللحين يعني لو السعوديين اللي كل واحد فاتح له قناة ياخذون البرامج هذي ويزبطونها ويقدمونها بشكل افضل يكون احسن او ينحط لهم قناة مثلاً زي ستايل MTV تكون بس للشباب ويكون لهم برامج خاصه من افكارهم واعدادهم وتقديمهم اكييد بتنجح وبيكون عليها اقبال كثير افضل من هالقنوات اللي معاد واللي مستهلك واللي معرب ! لما تجي افكار الشباب من البلد وعن البلد وغير معربه صدقوني بتصير نسبة المشاهده عاليه اشهر البرامج اليوتيوبيه الكوميديه السعوديه اللي اللحين انتشرت بشكل كبير : أيش اللي هذا فكرته مقتبسه من برنامج اجنبي ع اليوتيوب اسمه RJW فكرته يجيب فيديو ويعلق عليه ويقلد البعض مضحك جداً لا يكثر يناقش قضايا المجتمع بطريقه مضحكه انتشر بقووه يمكن لأنه من تقديم فهد البتيري يعجبني على الطاير اول برنامج سعودي يوتيوبي طريقته عكس البرامج الأخرى مايقدمه شخص واحد عباره عن قروب تقريباً نفس نشرة الأخبار يتكلمون بجديه بس بأسلوب سخرية والقائمه تطول بس حطيت لكم اشهر 3 قنوات لشبابنا الكوميديين ع اليوتيوب فيه قنوات ثقالة دم يعني بس سوالف موب نكت ولا تعليق ولا هو بشي اصلاً الخلاصه . . شيء حلو وجميل شبابنا يطلعون مواهبهم ويتشجعون ويسوون قنوات وكلها تكون عن بلدنا لكن الخوف ان هالشيء يسمج ويصير كل من يبي يشتهر يطلع له قناة ويقعد يتبيثر علينا وتسمج السالفه ونكره ابو ام اليوتيوب :( اللي عنده برنامج عاجبه يحطه لنا أرائكم وتعليقاتكم