|| بنظري وجود الجده في البيت نعمه كبيره وبركه تحس بهم رحمه ورأفه بالكل .. وجلستن معهن توسع الخاآطر وسبحان الله بهن ميزه غير عن الكل .. ريحتهم العطره اللي ماتتغير ابد << بوه احد مثلي او لا وبعد ان نظام حياتهم ثابت ما يتغير من قومة الصبح ودلة القهوه والقدوع الى صلاة الضحى ونومة الظهر الى جلسة العصر وسؤالهن عن الكل إلى النومة بدري بالليل ولا ننسى ميزتهم الاساسيه كثرة التشكي وما يعجبهن شي ابد ، أمـا جدتي .. حكايتها حكايه هـالجده افقدها حيل اذا راحت لـ أعمامي فيها خفة دم ورحابة صدر وذب وبعد تسليك ض1 سوالفها ما تنمل منها .. جلسه وحده معها بتقومين وانتي اخذه الشي الكثير منها .. من نصايح وحكم وسوالف وحش وكل ابو شي وطبعا لا تخلو سالفه من سوالفها الا وهي تمدح بحالها <<عنده نقص بطفولته الظاهر وانها احسن من خوياتها واجمل منهن بكثير <<وحنا ام التسليك لها ويا زينها اذا بدأت تحتسي عن حياتهم قبل وان دنياهم قبل احسن من زمنا هذا وان حنا ما خرب عقولنا الا الببسي والفشفاش يالبـى قلبه ، هاجر عوافي لك ||