عرض مشاركة واحدة
قديم 02-06-2006, 05:23 AM   #2
المزن الهلالي
مراقبة سابقة بشبكة القناص
 
افتراضي رد : . . : : روبـ 1 نيات : : . .

.

.

جميــــل جــــداً أن تقرأ صفحــــة فيهـــــا نوافــــذ متنوعـــة من الأفكار تقدم لك فرصـــة سانحــــة حتى تتعرف على قلــم واعي يحمل رؤى مختلفة ونافعة ..


ما أخفيك روبن هـود ولا الأعضـــاء أن أميل كثير لمثل هــــــذي المواضيع اللي فيها افكــار متنوعه وفيها تفكير معلن ،،

لأنهـــــا تعطيك مساحات كبيرة تعبر، تتكلم، تشارك غيرك تفكيرك ، لأن جالس تقدم لهم بوحك المعلن وتفكيرك الجهري وهذا يجبر كل اللي يقرونـــه أنهـــم يشاركونـــــك .. يمكن البعض يعتبرها فلسفة عشوائيه !!

لكن بالعكس هذي أفكـــار يمكن تكون عابرة والغالب أنها تكون متعمقة في عقولنـــا ..


تساؤلات كثيرة تحوم حول رؤوسنــــا ،

مانلقى لهـــا إجـــــابة مقنعة !

لكن مايمنع أنهــــــــا تطرح وتتنــــــــاقش ,,

لأن الأفكــــــار مشتركـــة بينــــا والتساؤلات مكررة على ألسنتــــنـــا ويبقى لكل واحد منــا رؤية تعبر عن فكرته وتفكيره ، وإجابة تعتبر وافية لكل تساؤلاته على الأقل بالنسبة له ..


واسمحلي بمشاركتـــك بمسودة من تفكيري للعناوين اللي طرحتهـــا :)



السعــــــــادة:-



كلنــــــا حاولنـــا نلقى تعريف لهـــــــــــا وللاسف غالبيتنـــــا مثلك .. مالقينـــا تعريف !!

حاولت اعرفها بفلسفتي ومفهومي اعتبرتها في بالي وفسرتها من حياتي شي يأثر على كل شي

فيني ويتأثر به كل شي يخصني بس تعبت وأنــا أتبع أثره !!

يمكن بالنسبة لي أنـــا بس, لان أثرها يختفي بالنسبة لي بسرعه ..

حاولت أدورها و بحماس أحاول ! وقت أقول هذا الشيء يسعدني وقت ثاني ألقى شي غيره والأول

يختفي وأوقات أكثر ما ألقى ولا شي وش اللي يخليها تدوم مـــــا أدري ... ما أدري !! ..

يجي مرات في تفكيري اني ممكن القاهـــــا في الشي اللي القى فيه ذاتــي !!


وبس وشو الشي ...؟! وأو وينه اللي القى فيه.. أو معه ذاتي ...... ما أدري ..!!


وبكذا ظلت حلقة السعادة عندي مفقودة ..

يمكن نظرتي سودواية شوي لكن احيانا تجي نظرة اتفائل فيها صح اني ما اوصل لشي بس اعتبر مجرد اني وضعت السعادة كهدف ابحث عنه بحد ذاته سعادة على الاقل صار عندي هــــدف ..!!

بس مــــــا أظن طريقة غيرك في البحث عنها هي اللي بتساعدك ..

أي واحد بفهم نفسه بيفهم وين طريق سعادته ..

باختصار نبحث عن انفسنا أول متى مالقينا انفسنـــــــا اعتقد بنلقى سعادتنـــــــــــا ..



صــــــــعب السؤال :-


.....ليه نفترق ؟!

وين نلتقــــــــــي ؟!!!


قالهــــــــــا البـــدر:

صعب الســــــــــؤال :(



عشت يالطارة :-


يكفي ...!ويكفي...! ويكفي.....! قلناها أول ونقولها الى الآن لكن ماحولــــك أحد ..

على قولتــــــك أذا ماهمته نفسه طيب وانا وأهلنا والناس اللي نحبهم ..

ليش تنتهي حياتهم بسبب تهورك !!

تفكير سقيم !! سذاجة تصرفات..!

ظنك بالله ياللي تسوي كذا هذا فخر تفتخر فيه !!!

ترويع الناس فخر ! اذا حياتك هانت عليك فحياة الناس ماهانت عليهم ..!!

متى بيفهمون ويوعون الله أعلم ..

الله يحفظ الجميع يا رب ..


أم كلثـــوم:-


أم كلثوم ..أم كلثوم ما أدراك ما أم كلثوم ..

إشارتك لها في موضوعـــك بتنهزها فرصة حتى أشكــــر الشخص

اللي علمني على الاستمتاع بالفن الكلثومي ،و وضع بين يدي ثروة فنية كبيرة ماكرهتها في السابق بقدر ماكانت تعني شي !!

لحد ماصرت فترة بعد فترة اسمع لهــــــــا أكثـــــر وأكثر ..

الشخص هذا هو أنت روبن هـــود ..

خليتني اسمعها اقصد استمتع بسماعها لثقتي بذوقـــك ..جربت وماندمت كثر ندمي اني ماكنت اسمعها من اول ..

فعلا أساس الفن الشرقي .. كوكب الشرق ..

واللي مايسمعها مايعرف في ابجديات الفن ولاشي ..أســألوني أنـــا ..

كنت اعتبر نفسي في الفن على الاقل صفر باستثنـــاء أغاني ابو نورة طبعا :)

لكن بعد ما سمعت أم كلثوم تأكدت أني كنت تحت الصفر بعد !!

عشقت ا((لأطــــــــلال ))وهذي لحالهـــا اثرهــــــا على نفسي كبير وكانت قصتي معها قصة ما انساها طول مــــــا أنا عايشه :)

و أسمتعت ((بأنت عمري)) ووأتفاعل كثير وادخل قمة الانسجام مع ((أراك عصي الدمع ))

وغيرهـــــــا من اللي علمتنيهــــــــا وشجعتني اني اسمعهــــا..


كل أصول الفن والخطوط العريضة للفن الشرقي رسمتها هذه السيدة ...

الله يغفر لهـــا ويرحمها ..

وتسلم يا روبن هود على الذوق الراقي كالعادة وبدون ومنافس و..اتعب وأنا اقولك اذنك موسيقية من الدرجة الاولى
..




لــــــــك فقــط ..:-


بأي اسلوب تختاره وتكتب فيه تبدع دائما ..

لأنك تكتب بإحساسك ووبروحك الرائعة والبسيطة وبدون تكلف او تصنع ولأجل ذلك تكون كلماتك وكتاباتك لهــا الأولوية في قلوبنـــا كما لقلمك محل متابعتنــا ولاسمك تقديرنــــــــــا الكبير ..


شكـــــراُ روبن هود على حضورك الدائم والرائع وتواصلك مع أعضـــاء الموقع في قسم المجلس ..


باسمي وعن مشرفي المجلــس ..

لك وافر الشكر وعظيم الامتنان ..


تقبــــــل أجمــــــــل التحايــــــــــا :)


التعديل الأخير تم بواسطة المزن الهلالي ; 02-06-2006 الساعة 01:13 PM
المزن الهلالي غير متواجد حالياً   رد مع اقتباس