ناصر تسمح لي اقول شيء :
اقسم بالله العلي العظيم ان فيه اشياء تكرهك في الكوره و الساعه اللي عرفت فيها الكوره ..
وانا ما قصدك و لا اقصد موضوعك ...
و ما الومك .. ويكفي ان طرحك منطقي ومن باب عشق للهلال اولا و لياسر ثانيا ..
لكن ان يصل الحال الى تنظيم حمله مركزه و مخطط لها على ابعاد ياسر و الاساءه له شخصيا من الذين ابتلي بهم الهلال و جمهوره ,
فـ هنا انا اوقف !!!!
ياعالم من متى صارت الجماهير كذا وفي اي زمن وفي اي مكان ...
انا اتفق مع اللي يقول ياسر ما قدم شيء في المباراه ولاحققنا اسيا وياسر راس حربه , لكن هل السبب ياسر ؟ و كيف يكون ياسر .... ؟
و اسيا ما قدرنا نحققها قبل ما يجي ياسر للهلال بأربع سنوووووووواااااااات !!!!
لا و اخذنا خمسه من الشارقه كأكبر نتيجه تسجل ضد الهلال خارجيا , وخمسه من الاهلي محليا , بمعنى عشرة اهداف في اسبوع واحد , ولا طلع علينا احد يسوي مؤامرات و حملات وكلام فاضي , ويقول طلعو فلان و علان من النادي , و لا جانا احد وقال سامي مسوي قصة الأسد , ولا جانا احد و قال لوك سامي والكلام الفاضي اللي قاعدين نسمعه من البعض , كان فيه جمهور صااااااحي , واللي يقول حى سامي و هو سامي تعرض لهجوم شرس من الجماهير وش معنى ياسر ؟
اقول جمهور اول غير و جمهور الحين غيييييييييير ,
جمهور اول يحترم سامي كأنسان قبل يكون لاعب ,
كأنسااااااااااااااااااااااااااااااااااااان !!!!
اللاعب احترامه قبل شيء ,,,,
يروح له في النادي ويعتب عليه و يروح للمدرج و يعبر عن شعوره من باب عشق وولاء للنادي , ومحد يلوم المشجع , لأن عتب المحب يجي بأدب و ذوق وقبل كل شيء احترااااااااااااااام ,
ورجع سامي افضل مما كان , لأن وراه جمهور واعي وقبل كذا مثقف و فاهم ,
الحين انت شبعت فارقنا , انا اذا شفته يجيني مغص , انا كرهت الهلال وياسر يلعب فيه , حرام ياسر يرفع الكاس , والله لأسوي والله لأفعل , هذا سيارته مدري بكم , وهذا يحلق ب300 وغيره يحلقون بعشره , هذا مهتم بـ لوكه , هذا جبان , هذا حرام يدخل النادي , هذا رجعوه للقادسيه ,
وهو جالس في بيته حتى عشرين ريال قيمة تذكره يروح ما يروح يدعمها بها ناديه و يشجع فريقه في الملعب , اللهم شغل كيبور و شاشه , وشرشحه في خلق الله ,
و اللي انفق من جيبه الخاص 400 مليون واجه المشكله بهدوء تام مبني على احترام , وهو دافع دم قلبه , ويسهر الليل ومرهق نفسه فوق طاقته , ماقال اللاعب الفلاني فيه واللعب الفلاني فيه ,
مشكلتنا الحاليه هو ترابط القله القليله الانترنتي , والأتفاق على توجه واحد يكون تأثيره سريع عبر المنتديات , وضاعت الطاسه و الضحيه اللاعبين خصوصا ياسر القحطاني ,
وكل من هب و دب ينقد و يسب و يجرح ولا فيه شي يحكمه ,
لا حسيب لا رقيب ,
و اصبح كل مشجع له لاعب و الكيبورد شغال و الهلال اخر الاهتمامات ,
هذا يجي و يقول شجعناه و وقفنا معه و خذلنا ,
ياخي الهلال و ادارته واللاعبين و الجماهير مجموعه وحده ما نجحت في اسيا ,
ليه ياسر بالذات و لا الدعوه شخصنه ؟
حققنا اسيا و بصير و سيرجيو و الكاتو كانوا محترفين اجانب في الفريق ,
مهاجمين يدلون الباب صح , و كانوا مع سامي و اقصد بصير و سيرجيو ,
مو احمد علي وليلو و سول !!!!!!!!!!!!!!!!!!!!!!!!!!!
و ابتعادنا عن اسيا من قبل يجي ياسر للهلال ياللي تقولون ياسر و ياسر و ياسر ,
انا هنا ما ادافع عن ياسر وبس ,
انا ادافع عن الهلال وياسر من الهلال عشان كذا ادافع من باب حرقه و الم ,
علما بأني اعترف ان الفريق كله ما قدم شي , مو ياسر بسسسسسسسس !!!
كل اللاعبين ما قدموا اللي عليهم لا ياسر و لا الشلهوب ولا رادوي ولا ويلي ولا الكوري ولا الفريدي ولا اسامه و لا المرشدي ولا العابد ولا الدوسري ولا عزيز ولا العتيبي , حتى انا كمشجع مشاهد ما كنت على بعضي من قبل المباراه بأسبوع ,
لأن الاسيويه صارت هم كبير كبير كبير كبير واللي كبر هالهم هو الاعلام النصراوي اللي رسخ العقد الاسيوي في ذهن كل هلالي ,
سواء رئيس او لاعب او اداري او مشجع , والضحيه واحد : ياسر القحطاني بالرغم ان الجميع ضحايا ,
ولكنها قناعات غبيه بعيده عن المنطق و الواقع ,
و آآآآآآآآآآآآآآآآآآآآآآه يالهلال والله يعينك ياياسر ,
اعذرني يا ناصر على الاطاله ,
لكن فيه ناس فاهمين النقد غلط , فاهمينه بالعكس , ياسر فتح قلبه للجماهير وقال نقدكم ع العين والراس وراح استفيد منه ,
لكن مع الاسف يالله يالله يطبع لنا شخص واعي وفاهم في هالوقت مع الاسف ,
واقصد في المنتديات الاخرى ,
وتأكد ان موضوعي رساله اوجهها للي امرضونا في الايام اللي راحت
و كرهونا حتى في طاري شيء اسمه كووووووووووووووووره ,
و هم معروفين في احدى الشبكات الهلاليه .