اقتباس:
المشاركة الأصلية كتبت بواسطة فَانية
. , /
كل شيء موجو’دْ ماعدا ( الحب )
تعتقد ليه محمد نور يظهر مع الإتحاد بكل هالوـهـج ..
ومعَ المنتخب منطفي العشق هو من يحركه ..
للأسف لو لاعبين الهلال حبوا الكيان كان عرفوا قيمة الآسيوية ..
كيف لأن أحاسيسهم وقتها رح تكون مثلنا بالضبط ..
لاكن راح أيام العشق والفوفَاء للفانيلة الزرقاء
(  )
|
مع احترامي الشديد لشخصك
بس انا اخالفك الرأي تماما
يعني حتى لو لاحظي .. لو .. فرضنا انهم مايحبون الكيان الازرق وما يهمهم
بس اكيد والشي اللي مافيه شك انهم مستحيل يكرهون انفسهم
ولو حققوا هالكاس بيعتبر انجاز يسجل بأسمائهم
يعني بيكون انجاز تاريخي خاص فيهم ويتفاخرون فيه
مو بس للكيان الازرق لحاله
فهذا ابدا مو سبب
مع اني ما عندي ادنى شك في حبهم وعشقهم للكيان الازرق
وبالأخص الكابتن ياسر وكلامي هذا ما قلته بناءً على احاسيس او توقعات
بس يكفي انه حتى وهو مصاب ومو جاهز يلعب
ولا نسيتوا اصابة كتفه لما كان يطلع من مكانه ويرجعه عشان يقدر يكمل المباراة
وما خفي كان اعظم
اتمنى هالخروج المر ما يجرفكم ورا أسباب مالها اساس من الصحة
.......
وبالنسبة لكلامك باريس انا اؤيدك 100 %
قناصنا بالرغم من الشخصية القيادية اللي يمتلكها بس للأسف تنقصه اساسيات مهمه
اتمنى يهتم فيها ويستفيد من خبرة سامي في مثل هالأمور
لأن هالشي مهم بالحيـــــل خاصة في مثل هالمباراة المشئومة
بس بيني وبينكم انا لازلت اشوف ان لاعبين الهلال ابدا مو قادرين يتحررون من ضغوط هالبطولة رغم كل محاولات ابن مساعد يعني حتى لو فرضنا انو ياسر صرخ عليهم في الملعب بيتحركون بس اساسا كل تحركاتهم غلط
الشلهوب يمرر غلط .. و ويلي يرفع غلط .. ورادوي يشوت غلط .. والفريدي يلعب لحاله .. وهلم جرا
يعني مليون في الميه سامي حفزهم بين الشوطين وصرخ وتكلم
بس هالشئ ابدا ما فاد لأن اللاعبين واولهم ياسر مو قادرين يتحررون من هالضغوط اللي ما ادري وش حلها ..
والدليل ان كل مره لما نطلع من هالبطولة نطلع بمستوى مهزوز ومخزي صراحه
وبخصوص اللي يقولون ان ياسر هو السبب ويعلقون له المشانق انا صراحه رجعت اشوف إعادة المباراه مع اني ما كنت ناويه ابد بس عشان اشوف على اي اساس يتكلمون
و وشي هالفرص اللي جت ياسر وضيعها او استعرض فيها او تخاذل في لعبها قلت يمكن شافوا شي انا ما شفته
بس ماقدرت القى لو فرصتين حتى وصلت لياسر صح وما استغلها
الفريق كله كان مشلول من اوله لآخره
ع العموم هالمباراة راحت بخيرها وشرها بس اللي اتمناه من ياسر انو المفروض ما يهتم للكلام اللي انقال بعدها و راح ينقال حتى لو كان من جمهور الهلال
لأن اللي يحملون ياسر بروحه الخساره انا اعتبرهم جمهور معاهم معاهم عليهم عليهم
يعني انا متاكده لو ياسر مسجل هدف الفوز حتى لو بالصدفه رغم المستوى الهزيل اللي طلع فيه هو وباقي الفريق كان قالوا احسن لعب لعب ياسر وياسر مافيه مثله وهو احسن لاعب بالسعوديه .. 
اخيرا تمنياتي لياسر بالتوفيق في الاستحقاقات القادمة ويكون كامل تركيزه في الملعب وبس وما يشغل نفسه بالرد على كل مترديه ونطيحه مثل ما قال ..
وان شاء الله مصيره بيجي اليوم اللي يرفع فيه كاس آسيا بأذن اللي ما تنام عينه
عوافي باريس .. 
لا عدمنا قلمك الياسري المميز
و عذراً عذراً على الاطالة بس انت جبتها ع الجرح 