اقتباس: المشاركة الأصلية كتبت بواسطة نوراا الزيارة الخميسيه سولفتلي ريما في إحدى ساعات الفراغ عن معاناتها الأسبوعيه كل خميس، وبغيت أبكي وحمدت الله على عيشتنا،تقوووووووول: أنت تعرفين أني أصغر خواتي الست،كلهم متزوجات وكل وحدة عندها مجموعه من أحباب الله. يوم الخميس من كل أسبوع اعتبره آنا يوم العذاب الأسبوعي،فأخواتي يزرونا هذا اليوم،ويكون عدد الأطفال تقريباً 24طفلاً وكلهم في المرحله الإبتدائيه فشنو تتوقعين!! طبعاً قبل لتوصل الدفعات أقوم بقفل غرفتي وغرفة أمي وأبوي لوجود خبرات سابقه بإقتحام الغرف وتدميرها وخاصه المكياج الخاص... وكم مره شفت عبودي يلبس إكسسواراتي و حمودي يفحط بالكعب الجديد،أما فيصل فحدث ولاحرج بيكاسو تلوين وجوه،دائماً يرسم وجهه ويتبرع برسم وجوه االآخرين طبعاً بمكياجي الخاص!! ااه تعبت نفسياً... وعلشان جذي صرت أقفل الغرف بالمفتاح ولو يحصل كان بلعته!! بعد كل هذا أرفع جميع التحف و السجاد الفاخر،ولا تهون أدوات الخياطه وبالذات المقص حيث بوجوده تتم عمليات تصفيف شعر خياليهp8 p8 ،وكم مره صدتهم،بعضهم بدون قذلة وشي بدون جوانب،وشي قرن موجود والآخر مقصوص!!وياويلي على الأرض والوكيت!! أما عند وصول الجيش البعرمرمp21 p21 فالبرنامج كالتالي... يدحلون خواتي لصاله ويبدأ السلام ثم القهوه وشوي شوي يندمجون بالحجي لدرجه أنهم مايحسون بفريق الكرة الموجود في البيت...! أحس أني أمشي على أوادمp8 p8 !! مجموعه باديه في الحجي،ومجموعه ثانيه تخصص رسم على الجدران،وبعضهم مطارحات سبيه مع أبناء الجيران. والباقي متفرج عند باب الشارع!! شوي وبجن ..بعد الغداء بساعه تقريباًp24 p24 ...يبدأ الهجوم المسلح على المطبخ!! تقولين جراد!! ما يبقى في الثلاجه شيء،حتى الشابورة والخبز والخضروات تختفي..لدرجة أني صرت أخاف على نفسي يأكلوني في يوم من الأيام!! عشان جذي كل جمعة موعدنا مع السوق لملء الثلاجه! أما المعارك الجانبيه،فحدث ولاحرج!! البنات يتماشعون بالشوش وولد أمه اللي يحاول يتدخل!! أماالصبيان فأحياناً تصل المسأله إلى السكاكين والأحذيه (وأنتم بكرامه).......وخواتي..ولا كن عندج أحد..ماخذين الأمور ببساطة،إلى درجه أن كل وحدة لما يشتكي لها ولدها تقول له خذ حقك بيدك يا وليدي!! وأخيراً ينتهي الدوام الساعة12ليلاً ويتجه كل فريق إلى بيته سالماً... أما عن حالنا آنا و الوالدة بعد زوال الغمة..الصوت مبحوح من الصراخ عليهم..البيت منثور والمساند في كل زاويهة...الزرع الطبيعي والورد محلوق (مثل ما قلت جراد)!! قبل النوم نأخذ حبتي بندول لتخفيف الصداع...وطول الليل كوابيس وأحلام رعب!! مثل باجر نقوم بتجميع ما ترك بعد الغزوة عمداً أو نسياناً..ملابس،فوط،أحذيه(وأنتم بكرامه)،مواعين،رضاعات...الخ نحطها في جيس كبير لعرضها عليهم الأسبوع الجاي،فتأخذ كل وحدة مانسته.. الناس يفرحون يوم الخميس وآنا أحزن،عندج حل يا.............؟ قلتلها والله مشكلتج تقطع القلب معقوله ،قالت والله مازدت شيء من عندي. قلتلها على العموم آنا بعرض مشكلتج على أعضاء منتدى القناص وأكيد بيلقون الحل...عاد زودوني بحلولكم(بيضوا وجهي ). تسلم يمينك أختي " نـــوراا " لاهنتي الموضوع جميل ورائع وابداع في ابداع الله يعطيك الصحـــة والعــــافيـــة لاتبخــــلين عليـــنا بمواضيعـــك المميــــزة