لا تعتمد على أحد

أيام ثالث متوسط وبأختبار الأنقلش معتمد على الماي فرند يغششني المهم جا وقت الاختبار ودخلنا طبعأ هو قايلي قبل لا ندخل لا تسوي شي الين ما أخلص قلت طيب دخلنا واستلمنا الاوراق وجلس ابو الشباب يحل ويحل ويحل وانا عيوني تلاقط ( تلف يمنتن ويسره ) المهم ولا الولد رفع راسه قلت جاك الفرج يا فهد الا ابو الشباب قام من كرسيه وراح يسلم الورقه وانا الحمد لله اني كتبت اسمي بس وبحركه لا إراديه اناديه سعد سعد وين الي يبي يغششني بصوت عالي بعدها انتبهت لنفسي وانواع العرق وهو طاح وجهه مايدري وش يسوي والطلاب كلهم يناظرولي وهم مستغربين مني وش سوى ذا بايعها المهم سعد قام يحلف والله اني نسيتك قدام المراقب
المراقب قاعد يضحك قال لسعد خلصت اطلع خلاص وانا اقول في نفسي راحت السفريه هالسنه <<< شف وين يفكر
المهم انا خلاااااااااااااااااص معد فيه أمل ولا سعاد ولا مها انه احد يغششني قمت اسلم الورقه وشافها المراقب
أنظف من لما استلمتها قال ما شاء الله عليك وتبيهم يغششونك قالها بصوت عالي وانا مفهي مدري وش السالفه قالي بصوت خافت ( اعجبتني خافت ) قال خلك قريب لا تبعد قلت طيب وبعد ما خلصو كل الطلاب ناداني
وجلسنا بالفصل انا وياه ويعطيني ورقتي وورقة سعد واسوي نسخ ولصق

واطلع وانا في قمة السعاده

بليل والقى سعد وأنواع التهزيء المهم قالي تعال اقلط وروح عندهم والقى المراقب ويقعدون يضحكووووون
أثري المراقب طلع ولد عم سعد ووهو مدرس بمدرسه ثانيه وجاي يراقب عندنا وقلتله لو أن المراقب مو هالنشمي وش بيكون بحالي

لكن الحمد لله على كل حال وتعلمت انه لازم انا اذاكر وما أعتمد على أحد




لكم تحياتي