انشهد ان زينه على الزين متعدي
ساطي النظره طاغي بحدة عيونه
محمد عطني علم لا ينفضح سدي
اخاف تفضحني الاسرار المدفونه
ثوب الغرام اللي مفصل على قدي
لا زاد من طوله و لا قصر دونه
افديه بروحي و اتقدم و ابدي
اخاف من كثرة العشاق يجونه
يا بنت لدي النظر لمي و لدي
خليني خافي الوحيد اللي تصونه
ياليت دمك ياثق لدم جدي
حرام انك على سنته مرهونه
ماني بناسي قبلتن جات بخدي
بصمة شفايفك بخدي مركونه
يا حظي العاثر وش فيك متردي
و اسمك بصفحته مسجل بمجنونه
قلته و انا ادري منهو اللي ضدي
عله اشوفها بصدرك مكنونه
ردي على صوتي بصوتك ردي
انتي تعالي بس و جيتي مضمونه