إعداد وتنسيق وتصميم:ـ
Mi manchi
عرض في برنامج " الأستديو التحليلي " الذي يعرض في قناة الدوري والكأس
يوم الأربعاء ليلة الخميس الموافق 8/ 6 / 1432هـ / 11 / 5 / 2011 م
لقاء مع الكابتن " ياسر القحطاني " والذي تحدث عن نتيجة فوزهم على نادي
الغرافة القطري بإياب دوري ابطال آسيا والذي انتهى بفوز الزعيم
2-0
و يسعدنا نقدم لكم ما يخص الكابتن " ياسر القحطاني "
:: لقاء القناص ::
المذيع : ياسر القحطاني نجم كبير لك وضعك , لك اسمك , لك تاريخك
أيضاً وبالتالي ابي ابارك لك للوصول للدور الثاني ؟
ياسر القحطاني : الله يبارك فيك ومن طيب أصلك هذا تسلم , والله المباراة الحمدلله
رب العالمين إحنا دخلنا المباراة نملك فرصتين ولكن إحنا ركزنا على الفرصة
الواحدة لأنه إذا تشتت تركيزك رح تخسر الثنتين , فحاولنا إننا نركز على فرصة
الفوز والحمدلله لعبنا للفوز وحققناه الحمدلله .
المذيع : بو سعيد أنا بسئلك سؤال آخر يعني البعض يتحدث عن ياسر القحطاني
بإنه لم يعد ذالك النجم الكبير اللي كان من البداية , ردك على بعض هذة
الأقاويل اللي قاعد نسمعها دائماً ؟
ياسر القحطاني : والله أنا ماراح يعني أشغل نفسي وأقعد أرد على كل من
يتكلم وكل من يقول " اللي يتكلم يشوف " بس .
المذيع : حتى في تصريحك لواحد من الزملاء كُتب بمقال بإنه ياسر القحطاني
من يوم جاء من القادسة إلى الهلال من خمس سنوات( 80 هدف) وحسبها
في حسبة وإحصائيات ردك على هذا الرجل الصحفي ؟
ياسر القحطاني : أقول له طال عمرك هتافات الجماهير اليوم صراحةً
تكفيني , يجي يقعد معهم ويسمعها زين .
المذيع : هل أنت راضي عن المستوى ؟
ياسر القحطاني : الحمدلله رب العالمين .
المذيع : موقعة الإتحاد موقعه كبيرة في جدة رح تكون في الدور الثاني ؟
ياسر القحطاني : إحنا الآن أمامنا مباراة قادمة في الدوري ورح نركز عليها
نكمل مواصة مشوارنا من غير أي خسارة في الدوري وبعدين إن شاء الله
لكل حادث حديث .
المذيع : يسئلونك الربع يقولون الاستايل الجديد مسويه ليه ؟
ياسر القحطاني : يضحك
المذيع : يتدخلون في كل الأمور ؟
يقاطعه ياسر : يجون يسئلون الحلاق .
المذيع : بالمبارك , وبالإتحاد ماعندك أي تعليق عن الموقعة ؟
ياسر القحطاني : أنا قلت لك بعد مباراة القادسة أعلق إن شاء الله .
المذيع : لآن إحنا يمكن مانحصلك للأسف الشديد نظراً للضغط اللي عندك ؟
ياسر القحطاني : والله أنا أحبكم وأقدركم وماعندي شي أقوله الآن , لأني زي
ماقلت لك إحنا تخطيطنا هي مباراة دور 16 ومباراة مهمة أمام الفريق الإتحادي
يمكن عزاءنا الوحيد رح يتآهل فريق واحد سعودي من الفريقين ورح نخسر
فريق سعودي , ولكن مباراة صعبة ولكن لها حسابات وإن شاء الله إننا
نقدر نتوج فيها الفوز بإذن الله .
المذيع : سؤال أخير 4 فرق سعودية تصل للدور الثاني يعني ذلك إن الدوري
عندكم نار؟
ياسر القحطاني : والله الحمدلله هذا رد على كل من يقول الدور
السعودي ضعيف .
المذيع : بيض الله وجهك أبو سعيد وللأمام إن شاء الله .
لمتابعة لقاء القناص بالصو والفيديو (إظغط هنا ) قريبا
تقبلوا تحيات فريق عمل :-
Yasser Media