مرحبا للقناصين
والله مواقفكم فيه منها تفشل
بس مو زي الموقف الطازج اللي صار لي أنا وخواتي أمس الله لايعودها
الموقف
هذا الموقف صار بسبب أختي ألا وهو الأخت كانت سهرانه تذاكر وطبعا من عوايدها ماتعرف تذاكر الا بمجلس الرجال
وطبعا أنا وخواتي دايم نحذرها من هالعاده بس الأخت ماتسمع الا لنفسها طبعا هي جالسه تذاكر وعلى الساعه ثنتين
ونصف جاعت البنت وراحت للمطبخ تسوي لها لقمه تاكلها وسوت اللقمه وطبعا تنتظر الغلايه تخلص عشان تحط لها
شاهي وعلى ما الغلايه تخلص راحت مشوار صغير ولما رجعت لقت الغلايه مافيها الا شوي من الماء طبعا حطت لها بكوب
شاهي وظنت أن الماء نصفه تبخر وبعدين أخذت لقمتها وشاهيها وراحت عشان تكمل دخلت المجلس وتاخذ كتابها
وتفتحه بنت أبوها الا وتسمع أحد يتنحنح
أحم أحم ياولد ؛البنت أنهبلت ماناظرت ولا شيء جت عندي وقالت جني والله جني طبعا أنا سهرانه وقلت بسم الله وينه
الجني قالت بالمجلس قلت والله منتب صاحيه هذا من تأثير السهر روحي نامي وعلى الآذان أقومتس قالت أقسم بالله
حتى أنا كنت بالمطبخ وأسوي شاهي يوم جيت الغلايه مالقيت فيها الا شوي يالله كفاني طبعا أنا أنفجرت ضحك قلت
جني وبيتقهوى الحمد لله والشكر أثبتي أنتس مانتب صاحيه ويوم قعدت تحلف وشفتها تراجف من الخوف بديت أصدق
وقومنا أختنا الكبيره وقلنا نفس الحكايه المهم نزلنا ونمر المطبخ وناخذ سكاكين وحنا نمشي نبسمل (بسم الله الرحمن
الرحيم) ونردد ونمشي شوي شوي
ونسمع باب المجلس سكر ونمشي لين وصلنا ونتشجع ونجمع قوانا ونفتح المجلس بقووووووووووه الا الرجال بوجيهنا
واااااااااااااااااااااااااااااااااه ( صراخنا على صراخ أخوي )
ونفرك وكل وحده لغرفتها ويجينا أخوي ويعطينا من الكلام لييييييييين قلنا بس
وحنا كملنا تهزيء على أختي
وهذا هو الموقف الله لايهبلنا
أستفدت من هذا الموقف أننا مانستعجل واذا سمعنا أصوات كان المفروض نقوم رجال عشان يشوف السالفه موب حنا
والشيء الثاني نصيحه لكل البنات لاتذاكرون بالمجالس وخاصتا مجالس الرجال