بالمنطق يعني .. لاعب وزنه فوق المعدل الطبيعي كيف تبيه يبدع؟
لايجيني احد من شلة لا تنتقد ولا باغلط عليك ويقل أدبه علي .. ويحسبني اكره ياسر ولا حاقد عليه
انا والله اني اعشق ياسر ويمكن اكثر منكم..
ومن حبي له يرتفع ضغطي اذا شفته بهالوزن قبل ما اشوفه بهالمستوى!!
بتجي تقولي فيه متخصصين يشوفون الوزن! .. طيب تبينا نكذب عيونا ونصدق ان فيه متخصصين(هذا إذا سلمنا ان فيه متخصصين أصلاً !!)
اي واحد شاك ان وزن ياسر مناسب يروح يشوف موقع إحصائيات الدوري السعودي ..
رح تلاقي طوله: 176 .. ووزنه 77 !!
الوزن الطبيعي للشخص تطرح من طوله مية .. بمعنى ان ياسر وزنه الطبيعي 76 .. وطبعاً هالاحصائيات من بداية الموسم .. وياسر وزنه زائد بكثير عن بداية الموسم..
هذا بالنسبة للشخص العادي..
اما بالنسبة للرياضي فمن المفترض يقل وزنه عن 76 برضو .. لكي يمارس الرياضة بشكل سلس وطبيعي وما يعيقه ثقل الوزن وبطء الحركة..
ولاحد يقولي ماجته كرات او من هالقبيل ..
ياجماعة لاحظوا لما تكون الكرة مع الخصم .. انا اعتزل عن الكتابة في المنتدى اذا لقيتوا لاعب اقل ضغط على الخصم من ياسر 
!!
ياخوي انبحت حلوقنا وحنا نقول اركض واضغطططط اضغطططططططططط 
والا في حالة كانت الهجمة معنا .. صحيح انه مراقب وصحيح ان له فائدة تكتيكية غير الفنية وهي انه يخفف الضغط عن الوسط ..
لكن هي كورتين من اللي اذكرها من المباراة ..
وحدة مررها له الشلهوب او الدوسري بالشوط الاول
والثانية نقلة طولية من الدفاع له ..
بالاولى ياسر التفت الكورة عليه بدون ما يستلمها ..
الثانية جته ومن المفترض يستلمها .. لكن فاتته بشكل مستفز ويقهر !!
طبعاً بيجي احد يقول كانت بعيدة .. صدقني لو ياسر وزنه اقل من ذا كان ممكن يستلمها ويجرجر بالدفاع اللي معه!!
انا معد ابغى من ياسر شيء .. ما ابي تركيز ما ابي تهديف ما ابي مهارة ...
بس ابي اشوفه أخف من كذا .. وبوزن اقل .. بحيث انه يركض ويتحرك بشكل اسهل
عقبها لو تمر ثمان مية مباراة ماسجل .. رح نتعذر له ونقول خانه الحظ وما فيه توفيق ..إلخ
لو تجيه كورة ومايستلمها .. بنقول خانه التركيز وكانت بعيدة عنه إلخ
لو تجيه كورة وما يتعامل معها بالمطلوب .. راح نقول الكل يخطئ .. إلخ
أنا شخصياً لن أدافع عن ياسر ولن أكون معه دام انه بهذا الثقل وبطء الحركة ..
بتدافعون عنه دافعوا بكيفكم .. لكن الله يعينكم على رفعة الضغط !!