آلسلآم عليكم و رحمة الله و بركآته 
..
أجرى روم آلزعيم بـ آلبآلتوك حوآر مع آلإعلآمي آلمتميز ( عبدآلرحمن آلدحيم ) 
..
و تطرقوآ في ثنآيآ آلحوآر عن ( آلكآبتن يآسر ) ...
آلرويلي / .. نبي نسألك عن رأيك بـ المهاجم القناص ياسر القحطاني ؟!
آلدحيم / .. أبو عزوز , كـ لاعب طبعاً .. و كـ شخص عشان بس ما يفهموني
يقاطعه الرويلي / .. لا اولاً كـ لاعب ..
الدحيم / .. كـ لاعب أعتقد انه لاعب من العصر الحديد لاعب فيه مواصفات كثيره كانت في نجوم
هلاليين سابقين في رأيي الشخصي فلان يتميز بـ كذا بـ المهاره فلان يتميز بـ الضرب بـ الراس
فلان يتميز بـ المكر التعامل الاحترافي فلان يتميز بـ السرعه انا اعتقد ان ياسر القحطاني استطاع
جمع كل هذه المميزات في لاعب واحد بغض النظر عن كل الكلام اللي يطلع عن ياسر من
نزول في مستواه اللاعب الموهبه يعود بـ اي وقت يعود , يمر بـ فترات نزول مستوى بـ النهايه
بشر المخلوق لكن اعتقد ان الموسم هذا يعتبر موسم اكثر من جيد لـ ياسر القحطاني اذا
قارناه بـ الموسم الماضي بـ فرصة اللعب بـ المشاركه بـ المحافظه على التدريبات الاحترافيه
كل هذي موجوده في ياسر القحطاني معطيات مهمه جداً انه يتوج من خلالها لاعب قيادي
ان يكو ن احد نجوم الهلال او احد النجوم اللي صنعوا الفرق و لاعب في سنوات بسيطه حقق
كثير من الانجازات مع الهلال و اصبح الآن قائد فريق الهلال هذي ميزته انه بـ تميزك في فتره
بسيطه تستطيع ان تحمل شارة القياده هذا على مستوى كـ لاعب , كـ شخص خلوق جداً
انا شخصياً اترتبط فيه بـ علاقه جداً ممتازه ابو عبدالعزيز دائماً نتبادل اطراف الحديث في الطياره
طبعاً هو بـ المناسبه اقولها لكم ( في ايطاليا ترى يحب الاسي ميلان , انا وياه نجتمع في الموضوع
ذا , في انجلترا يحب تشلسي , في اسبانيا يحب برشلونه ) فـ عشان كذا كنا متطاقين انا وياه
يوم مباراة برشلونه و ريال مدريد 
فـ على العموم ياسر نجم خارج الملعب و داخل الملعب فيه طيبة
قلب اللي على قلبه على لسانه خلوق لا يصطنع ما قد سمعت احد انه قال عنه انه شخص
متكبر او مغرور في تعامله مع المعجبين بـ الفعل فيه مزايا المتميزه جداً اللي صنع في فتره و
جيزه نجوميه و شعيه جارفه على مستوى جماهير تعشق مثل جماهير نادي الهلال ..
الرويلي / .. طيب اخوي عبدالرحمن يعني حديثنا عن الكابتن ياسر القحطاني يجبرني اسألك سؤال
من هو أفضل مهاجم تراه في المملكه الآن في الوقت الحالي ؟!
آلدحيم / .. يعني انت بتحرجني عشان اقول ياسر !!
الرويلي / .. لا هو سؤال نبيك تجاوب عليه ؟!!
الدحيم / .. الآن في الفتره الحاليه بدون ادنى شك ياسر القحطاني بدون ادنى شك يعني الارقام
اللي تتحدث موب انا اللي اتحدث , لاعب مهاجم في فريقه , هداف الفريق , اول مره يوصل
لـ الرقم 11 الظاهر , و هداف الفريق على مستوى آسيا , حتى في الدوري العام الماضي
ما كان يتعدى رقم 10 هذا شي اعطاه ادفانتج حلو , فريقه محقق بطولة ولي العهد و بطولة
الدوري انا اعتقد ان ياسر القحطاني افضل مهاجم الآن و مع ذلك ليس ياسر الاعوام الماضيه
اللي تعودنا انه نجم انا اعتقد ان ياسر القحطاني في فتره و جيزه و عندي احساس انه قريب
الشي هذا بـ يصير ح يرجع ياسر النجم اللي يعني قناص ..
يقاطعه الرويلي / .. كما كان ..
الدحيم / .. و احسن من ما كان موب كما كان و يمكن ترى تصير بداية الفريق الايراني بـ المناسبه
ترى ياسر في مباراة العام الماضي اللي اصيب فيها اللي تسبب فيها بـ البلنتي طلع مصاب
ترى كان أدي مباراه جداً روعه خاصةً في الشوط الاول كان جداً متميز فيها هو و ويلي على ما
اتذكر و لو ان ويلي زعلنا في ذيك المباراه بلنتي ضيع و قول كان جاي على العموم بس ترى مو
لحاله ياسر في نجومية ذيك المباراه بس خلينا نعترف الهلال السنه ذي عمل فوارق في
مستوى الدوري مما جعلنا ما نراقب مهاجمين ثانين صرنا نشوف الهلال متصدر او مو متصدر ...
إعلآمي خلوووووق و محترم و مهني بـ درجه عآآآآآليه ..
و آلكلآم إللي ذكره عن " آلكآبتينو " مآ أضآف على آلمتعآرف عليه جديد 
!
حآفظين إللي أنقآل عن ظهر قلب 
...
الله يوفق أبو عزوز , و يوقف معه بـ كل خطوه يخطيهآ ...
و يحفظه لنآ و من مكروه يحميه 
...
و يقر عيوننآ بـ شوفة من كل شر سآلم 
...
((( دعوآتكم لـ آلغآلي )))
كل آلشكر لـ روم آلزعيم بـ آلبآلتوك ..
و أخص بـ آلذكر آلمبدعين ..
( alrowaily_9/ Nice _J / -BMW9000/ - FaRiS _ 8 )
لـ آلإستمآع . !
" هنآ "