[QUOTE=مجنونك20;3461278].. سالفه عن الجن منقوله هالقصه مساكم الله بالخير يا الربع الله يسلمكم بقول لكم قصة واحد من اخوياي واعرفه شخصيا من اهالي مدينة ( رغبه ) شمال الرياض ميه وثلاثين كيلو المهم علشان القصه موثقه لازم نقول ديرته الرجال يقولي لي بعضمة لسانه كان يوم من الايام رحت لرغبه القديمه يعني البيوت الطين سابقا يقول دخلت المسجد القديم حق ديرتهم السابقه والمسجد نظيف ودخل المسجد ونزل نعوله اكرمكم الله ودخل المسجد وسمى بأسم الله المهم شاف رف اسمنتي وعليه مصحف قديم جدا مفتوح على سورة الكهف وكان المصحف مغبر كان من ابو خيوط مع الجنب ويقول انا خذيته عشان انه اثري وقديم وبيحطه بالرياض في بيته والمسجد مهجور ومحد يبيي المصحف وقرر ياخذه المهم طلع من المسجد ومعه المصحف وتوجه للرياض وجلس المصحف عنده حول شهرين وبعدين قام يجي على دريشة بيته حمامه لونها ابيض على بني وهو عنده حمام فوق السطح والحمامه صارت تجي عنده فوق السطح ويمسكها عادي ولا تطير ابد من ايديه ويطيرها اليوم الاول وما ياخذ مده بسيطه الا ويلقاها على الدريشه مره ثانيه حتى يقول اني مره خذيتها لدوامي بالملز وطيرها مع الدريشه وداوم ويوم رجع للبيت لقاها قدامه وطفش منها حيل وكان عنده سفره لديرته رغبه وكان الجو ممطر وشال الحمامه في صندوق معه علشان يفتك منها ويوم وصل الديره نزلها وطيرها من الصندوق ودخل الديره بأمن وأمان وبعدين جلس مع اقاربه اللي يعيشون بالديره وقامو يسولفون عن القريه القديمه وذكرو ان المسجد القديم يجيه اوقات المغرب يدخلونه ناس يتوقعون انهم من الجن في وقت صلاة المغرب ذكر واحد منهم ان شاف مجموعه من المصلين نص صف وبينهم طفل صغير ورفيقي يوم سمع ان فيه ناس تصلي بالمسجد طرى عليه المصحف فرجع في نفس الوقت للرياض عشان يجيب المصحف من بيته بالرياض وثم رجع ثاني مره لديرته ومعه المصحف ودخل القريه القديمه ودخل المسجد وقت الغروب ونزل المصحف في المسجد في نفس مكانه وعلى نفس الصفحه وفجأه دخلت الحمامه داخل المسجد مع الشباك وهو طالع من المسجد نفس الحمامه اللي كانت تجيه بالرياض بس هذي القصه سبحان الله تدل على ان فيه مسلمين داخل كل مسجد مهجور من الجن بسم الله الرحمن الرحيم هدو شوي كل المشاركات عن الجن الله بهديكقلبي تجمد !!!! توقف القلب.. تدمرت عقلياً.... ونفسيا... وساموت قريبا...