إعداد و تنسيق:
αмσσlч ™
تصميم :
Mi manchi
عرض في الاستوديو التحليلي الذي يعرض في قناة الجزيره الرياضيه
اليوم الجمعه ليلة السبت الموافق 29 - 4 - 2011م / 25- 5 - 1432هـ
لقاء مع الكابتن " ياسر القحطاني " بعد لقاء فريقه الهلال مع الرائد
والذي انتهى بفوز الهلال 2-1 وحسم الفريق للدوري .
و يسعدنا نقدم لكم ما يخص الكابتن " ياسر القحطاني "
:: نص لقاء القناص ::
المذيع : ياسر نتحدث عن بطولتين تحققها كـ قائد لنادي الهلال
في أقل من عشره أيام , شعورك بالتأكيد لايوصف في هذه اللحظات مع
نادي الهلال
الكابتن ياسر القحطاني : الحمدلله رب العالمين أولا وأخيرًا
مبروك للجماهير الهلاليه ماتحقق لنا من انجاز , مبروك للاداره
أعضاء شرف , لعيبه , أعتقد انه أنا فخور ومحظوظ ان
أكون مع زملائي النجوم اللي حققوا هذا الانجاز , هم الجائزه
هم الشي اللي اللاعب يفتخر فيه صراحةً , أثبتوا انهم نجوم
قدرنا الحمدلله ننهي الدوري وصفحة الدوري الحمدلله بشكل
مفرح بالنسبه لنا ولجماهيرنا , ان شاء الله لازالت ان شاء الله
الأفراح مستمره
المذيع : ياسر وش اللي اختلف عن حسم الدوري السنه
اللي راحت في الرس أمام الحزم والآن حسم الدوري امام الرائد
في الرياض وش اللي اختلف في الفرحه ؟
الكابتن ياسر القحطاني : والله انا اشوف ان الموسم
هذا كان اصعب شوي لانه في مباريات واجهنا فيها
صعوبة رغم ان نحنا ماخسرنا ولا مباراه لكن في اثناء المباراه
واجهنا فيها صعوبه زي مباراه اليوم كنا متأخرين بهدف
وقدرنا نرجع بهدفين حصلت كذا مره في كذا مناسبه
الموسم هذا , الموسم اللي فات كنا نحقق الفوز بطريقه أسهل
من السنه هذي , ولكن في النهايه هو لقب وأهم شي انك
تحقق لقب .
المذيع : ياسر بخصوص مايتحدث عنها البعض من نتيجه
يريد الهلال تحقيقها وهي بالتأكيد عدم الحصول على أي
خساره في جدول الترتيب , فعلاً هل يرهقكم هذا التفكير ؟
تلعبون على فكرتين , الدوري وعدم الهزيمه لتسجيل
رقم جديد ؟
الكابتن ياسر القحطاني : نحنا خلصنا من الأهم الحين نلتفت للمهم
خلصنا الأهم وهو تحقيق الدوري الآن نلتفت للآهم اللي هو
نقطه تاريخيه جديده بالنسبه لنا كـ هلاليين
انه نحقق الموسم بدون أي خساره وبإذن الله
الله يكتب لنا الخير بإذن الله .
المذيع :في أهم من المهم بالنسبه للجماهير الهلاليه
معليش لخبطتك بالأهميه لكن البطوله الآسيويه ملف مهم
الكابتن ياسر القحطاني : بالنسبه لنا كل البطولات مهمه ,
كاس ولي العهد مهم , الآسيويه , الدوري كل اللي نشارك فيه
نحنا بالنسبه لنا مهمه ونشارك فيها بكل قوه
