ربيعنا في حكير لاند ( ضياااااااااااااع ض1 يعني كنّا ناوين نطلع للثمامه واصحى من النوم اتفاجىء تكنسلت لظروف اللي بنطلع معهم ! وبالاخير قالو قدام مع بنات خالي للملاهي , آآآع اكره الطلعات المُفاجئه وخاصه ماعرف اطلع بدون لااعزم كل الشله لودي الدوبا سحبت علي , وروح ماردت بس يالله احكيلكم وش صار يوم انتصفنا بالطريق تذكرت اختي انها نست الحلى حقها اللي تعبت وهي مصلحته ابد ماضحكت ولاانجلدت بالسياره وبعدين جلسنا نفكر وشلون بندخل جوالاتنا وهي كام مير اني واسوي حركتي القديمه يابنات اللي تبيها ترسلي بس وجانا مطر بالطريق ! انا خقييييت ع الجو حسيت اني في لندن وه مبطيتن عنها وصلنا انواع الزحمه عند البوابه ! يالله دخلنا ومسكت سرى للتذاكر وبعدين اعطيت وحده لانها متقدمه بكثير الله يجزاها خير وجابت لي دخلنا ووقابلونا بنات خالي وودونا للمكان اللي فارشين فيه وجالسين . طبعآ حبايبي اهلنا جالسين بمكان مرّه كويس مادرو بالنهايه وش صار لهم امطرت امطرت اقوى اقوى اقوى ايوووووووووووه عاشو والله الشوش الين طمرت مرة خالي قالت قومو نغير المكان صار مكانهم حق المرزام وصب عليهم مطر وعووووووووه مير ورمو البساط معاد خذوه حامت تسبودهم جلسو ع الكراسي وتبللو ابد هناك الوضع إيزي تمشين متبلله شعرك منتفش حواجبك متلاصقه , المويه بشوزك , اللبس بعدين قصيت ساعه مدري وشهوله رغم اني ماحب العب كثير بهالاماكن مير حسوفه لعبت لعبتين مدري ثلاثه !! حقت البزران المتاهه دخلتها وجلست اصارخ يوم الارض تتحرك ويجيني ذاك الولد الصغير يقولي لاتخافين اللحين بنوصل يوم وصلنا صار الباب غلط وخلوني اططططب جعلهم للصلاح وياشين ذيك اللعبه اللي مسكنا سرى بالاخير طلعنا لانه زحمممه اغلب الناس طلعت وراحت للملاهي اللي جمبها , وكل شوي يوقفون الالعاب يخافون يصير شيء من قوة المطر واستغلو الوقت صار يبيعون المظلات بالدبل بعدين لقينا ركن تبيع فيه حرمه لابسه جلابيه ومشغله اغاني وطنيه ونرقص وتجمعو العالم وطبو معنا ورحت شريت كاست مصري على خليجي وشغلته وكلن جاء معنا وانواع الهبال والوناسه وصارت ترقص معنا قلت بلا ساعه بلا لعب مير ويروح الوقت رقص الين جينا بنطلع , وفقدنا بنت خالي الصغيره وكل شوي البوّاب ينادي اسمها ولاتجي !! انهبلنا كلن يدور من جهه تخيلو من الساعه عشر ونص الين 11 ومالقيناها ! اخر شيء قلت لحقت الامن ياختي قولي له ينادي ويصارخ يقولها اطلععععععععععي موب يتميلح بصوته مسوي يجرّب المايك قالت اهدي طيب اللحين بينادي والحمدالله لقيناها ع الساعه 11 ونص عاد مدري وين لقوها لاننا ركبنا السياره .. مرة خالي تلحقني بشنطة فيها قهوه اقولها موب حقتنا تقول الا حقت امك وتركبها وسرينا ! يوم وصلنا للبيت تقول امي ذي موب لنا الله يغربشكم ماتنلام مرة خالي بعد مالقت بنتها يالله تجمع ياحبني لها وطول الطريق وسواق خالي يتبع سواقنا عشانه مايدل وتمطر اقوى شيء !! وصارت القزازه مطر وضباب ماينشاف منها الطريق نقول للسواق شغل ذيك اللي توخر المطر ماعرف وندق على ابوي يعلمنا ونوقف السواق بنص الطريق ونقعد نراقب لاحد يجي من ورا مسرع يوم كان مرررررررررعب جدآ بس الحمدالله وصلنا للبيت بالسلامه وحرّمنا نروح ملاهي ربيعنا في بيتنا احلىىىىىىىىىىىىىى مايستفاد من هالطلعه , وانا بطلع خلاص لقيت صديقتي ايام المتوسط والثانوي ياللله مامداني اوسع صدري معها بعد الربشه اللي صارت وضياع بنت خالي ختامآ هذي صوره يوم كنا بالطريق لبى سماء الرياض وغيومها