بعد غياب طال عن هذا الصدى
لعلها ترتقي لِ ذائقتكم
...
الغرور اللي تحدى كبرياي=لايحسب انه ليا زاد ارتجيه
غير ربي ماتعلق به رجاي=وغير حلمي في منامي ماابيه
انت ياللي شفت في قربك دواي=وانت ياللي مالك بعيني شبيه
حاول تقارن غرورك مع غلاي=لجل تعرف ماعليك وماعليه
شف غرورك كيف زود في شقاي=وشف غرورك كيف طالتني يديه
ليه تشقيني وانا ب اول صباي=ليه ترميني على الاحزان ليه
ياخسارة حبي ونشوة هواي=ياخسارة قلبي اللي كنت فيه
طحت من عيني ومن عالي سماي=وانتهى حبك معي لاتحتريه