عرض مشاركة واحدة
قديم 21-04-2011, 05:22 PM   #109
MeSh3aL ~ 20
. . : كبــار الكتـاب : . .
 
الصورة الرمزية MeSh3aL ~ 20
 
افتراضي رد: [ تقييم مستوى الكابتن ياسر القحطاني || الجزيره الإماراتي × الهلال السعودي || الجولة الرابعة - أبطال أسيا 2011 ]

اقتباس:
المشاركة الأصلية كتبت بواسطة هـــلالي مــاركة مشاهدة المشاركة

يجب علي هنا احترام رأيك اولا

واحترامي لرأيك لا يعني الأتفاق معك

ولكن الاحترام مطلب مهم في كل شيء

حبيب قلبي مشعل :

تخيل .... !!!

والخيال بابه واااااسع يفوت ( بعارين )

لو انتهت المباراه بــ 2 : صفــر

وياسر ما سجل

والغرافه هناك في قطر يحصد ثلاث نقاط , وصار عنده امل يتأهل

و فارق النقاط صار يخووووووف

اكيد راح تصب الجماهير غضبها على ياسر وراح يوصف باللاعب المنتهي او المستهتر او الاستعراضي , وستقوم الجماهير بتعليق المشانق والمطالبه بـ ركنه على الدكه ,

والفرصه الفلانيه والكوره الفلانيه

ليه ما سحب الحارس ليه ما حطها في الزوايه و ليه طاح وليه يدور بلنتي


انتهى الخيال !!!

تدري عاد يا مشعل ,
فيه عضو هلالي معروف طرح موضوع في شبكة الزعيم قامت الاداره بحذفه ,

عنوان الموضوع : هدفين صدفه و بلنتي

و هاتك يا نقد ( سلبي )

من ضمن سطوره :

لو الفريدي ما مرر الكوره لياسر ماقدر يسجل ياسر هدف ,

والفاول اللي لعبه ياسر لو اللاعب ( دنق ) ما جاب ياسر هدف تقليص الفارق ,

على فكره ( دنق ) يعني نزل راسه

من يعذره وهو يدنق وياسر قدامه ,

عموما يا مشعل :

اللاعب المهاجم اذا سنحت له الفرص وضيع منها ما ضيع وسجل منها ما سجل فهذا شيء ايجابي طالما ان هناك شي اسمه ( تعويض ) ,

ياسر على قولتك ضيع فرصتين

طيب هذا هو سجل هدفين

سؤالي : ليش احنا سلبيين ؟

ليه ما قلت يامشعل ياسر ضيع و عوووووض

عوض مو ابو فارس

عوض من التعويض

ليه السلبيات صار تطغى على فكرنا الكروي ؟

ياسر اجتهد و حاول وضاعت له كم فرصه ولكن بالاخير :

سجل واعاد لنا الامل في المنافسه على المركز الأول

ليه غابت عن اذهان البعض هالحقيقه ؟

وش رايك نرجع للخيال مره ثانيه احس انه هو اللي راح ينصف ياسر :

تخيل مشعل ياسر ما سجل والجمهور قام عليه وكل بدأ يحد نابه مثل ما قلت

تتوقع هذا حل ؟

وش رايك نطلع من الخيال مره ثانيه و ندخل في الافتراضيات :

نفترض على قولة البعض ان ياسر مستواه سيء !!!

تدري انه افضل مهاجم ( تهديفيا ) هالموسم بالأرقام

تدري يا مشعل ان هدف ياسر في الأتفاق والهدفين اللي سجلها في الجزيره من اهم اهداف الهلال هالموسم ؟

و سلامتك




.

مرحبـا عزيـزي بنـــدر :

أشكرك على إحترام وجهه النظر وتبادل الرأي
مع الرأي الأخر , وهذا ما يعجبني فيك ..

أنا ما قلت مستواه " سيئ " ولكن قلت للأسف كرات
من بدائيـات الكره تضيع من أمام المرمى والأسف الأكبر
بإن اللي مضيعها هو " يـاسر " ..

تخيل بنـدر بإن " يـاسر " سجل كل الكرات اللي سمحت له
وخصوصا ً الفرص السهله وكان التركيز عالي مو " تبويش "
ع الكوره , تدري بإنه راح يكون هداف البطوله من خلال مباراه ؟

اللي أبي أعرفه ليش الجمهور الهلالي أو الياسري المتواجد هنا
مو راضي يقتنع بإن " يـاسر " يبيله الكثير حتى يتجاوز ما حققه
نجوم سابقيين مع المنتخب أو أنديتهم ودائما ً ما أردد هالكلمه لو
حافظ " يـاسر " على رتم المستوى وإستغلال الفرص والحضور الدائم
خصوصا ً في النهائيات لما يكون له بصمه قويه راح " يصفط " تاريخ
ماجد عبدالله وبكل سهوله ؟؟؟

ليش ما نطمح بإن يكون " يـاسر " هو أفضل من أنجبته الكره السعوديه
أو الهلاليه حتى يكون مع مصاف يوسف وسامي ويكون علم هلالي لا
يجادل فيه أحد نهائيا ً ..

أعلم بإن الإصابات لعبت دور بارز في إنخفاض المستوى ولكن ضياعه للفرص
من أمام مرمى النصر اللي صارت بعدها المصارحه مع الجماهير ومباراه الأمس
الجزيره فرص مدري شقولك يعني " غريبه يضيعها لاعب بحجم ياسر " :

ما أقولك " لو " لإنها تفتح عمل الشيطان , ولكن أقول " لابد " من التركيز
لإن الهلال يحتاج لحظات حسم من الدقائق المبكره لإن " مو كل مره تسلم الجره "

وفهمكم " كفـايه "

MeSh3aL ~ 20 غير متواجد حالياً