تحدثت في موضوع سابق في منتدى القناص ان بن خوري ( مدير عام الموقع ) فاز علي في تحدي بلوت .. وكان التحدي عبارة عن ان المهزوم يتحدث عن هزيمته في الموقع .. وبالفعل تحدثت عن هزيمتي .. لقراءة موضوع بن خوري ينجوا مني بالرصة وفزعة خويــّـه أضغط هنا وذكرت بالنص : لو كان بن خوري هو المهزوم .. اتحداه يكتب موضوع عن هزيمته :D ودارت الايام بشكل سريع .. وسافرت للشرقية امس .. وأنا لم أنسى تلك الهزيمة .. رغم ان خويي اللي كان يتحملها .. ورغم انها كانت هزيمة بسيطة .. جوليتن مقابل جولة .. وتحديت بن خوري من جديد .. ولكن هالمرة كان خويي بطل من ابطال البلوت .. ولاعب مخضرم وكبير .. الا وهو العميد متقاعد ابومهدي ( محمد اليامي ) رئيس مجلس الجمهور بالمنطقة الشرقية .. وكان خوي بن خوري العضو ( هلالي صميم أبوزياد ) عضو مجلس الجمهور بالشرقية والعضو المعروف في المنتديات الزرقاء .. وكان الاتفاق ان المهزوم يتكلم عن هزيمته في منتدى القناص وفي شبكة الهلال .. وطبعاً بن خوري وابوزياد ما تكلموا عن هزيمتهم .. أو بالاصح فضيحتهم .. فقمت بالنيابة عنهم :D بدأت المباراة بحماس من الفريق الأخر .. وتقدموا الى 40 برى .. وحنا تقريباً سبعين جوّا .. وبخبرة ابومهدي وابداعه .. استطعنا قلب الطاولة عليهم .. ووقفناهم عند خمسة واربعين .. في الصكة الثانية فزنا عليهم بسهولة وبفارق يتجاوز الميه :D في الصكة الثالثة تقدموا علينا .. ووصل الفارق الى اكثر من ميه .. وقلبنا عليهم الطاولة بفضل دبل صن :D في الصكة الرابعة واصلنا ابداعنا .. ومسحناهم بسهولة .. النتيجة الحين اربعة صفر لنا وكنت أنا مصر على الخماسية .. ولكنهم فازوا في الصكة الخامسة بسبب بعض الاخطاء .. في الصكة السادسة لم نجد انا وزميلي المخضرم ابومهدي أي صعوبة في تجاوزهم .. لتنتهي المباراة بفوز تاريخي على بن خوري وابوزياد بخمسة أشواط مقابل شوط :D (( من المباراة )) * أبومهدي لاعب كبير ومخضرم .. صح انه ما يلعب اشارات ولا يغش ولا يرفع رأسه :D ولكنه بصراحة لاعب كبير كبير كبير * ثبت قطعياً ان سبب خسارتي في المباراة الاولى هو خويي الغشيم .. وثبت بالدليل القاطع ان ما في راسك بلوت يا بن خوري :D * في احدى الصكات كانوا متقدمين علينا بفارق كبير .. وجيت انا أحكم .. قال ابوزياد دبل ...!!! طبعاً كان عنده ميه جاهزه ( عشرات ) .. وفجاة طلع عند ابومهدي ميه ( باشات :D ) .. وتصور ابوزياد مع ميته ودبله * المباراة اقيمت وسط حضور جماهيري كبير بقيادة العقيد سعد الشهري ومحمد العريني ( أمين مجلس الشرقية ) وابراهيم حقوي ( رئيس رابطة الهلال ) .. * العضو علي معتوق العمري تهرب من التحدي :D ومن حسن حظه ما لعب مع بن خوري * يا بن خوري انت وابوزياد .. ان كنتم رياحاً فقد قابلتم أعاصيراً * وينك يا بن خوري أنت وابوزياد .. ليه ما كتبتم موضوع عن الهزيمة .. ليه ما طبقتم التحدي .. ترى الهزيمة من ابومهدي وابوريان مو عيب تحياتي للجميع .. الامضاء : عين . ضاء