. . . آهلاً بـ الجميع .. آول مُشاركَه لِي بـ هالقسمْ .. و إن شاءالله مهبْ الآخيره .. || مُحتـوى المـَوضُـوع :/ - زيارتِي لـ المدينـة المُنـورة - صُور , كمـْ معلومـَه يمكنْ تفيد البعضْ , نقآشْ بسيطْ بالنهايـَه لـ اللي حآبْ يُشاركـْ .! // بسمـْ الله نبدأ .. المدينة المنورة تُلقب "بطيبة الطيبة" أول عاصمة إسلامية، وثاني أقدس الأماكن لدى المسلمين بعد مكة المكرمة .. تبلغ مساحتهـا حوالي 589.000 كم²2< تأكدوآ مِن العم قوقل تجون بعدين تقولون ابتهال عطتنا معلومه غلط تضم بين أحضانها الكثير من المعالم والآثار، ولعل أبرزها المسجد النبوي والذي يُعد ثاني أقدس المساجد بالنسبة للمسلمين بعد المسجد الحرام في مكة المكرمة، بالإضافة إلى مقبرة البقيع والتي تعد المقبرة الرئيسية لأهل المدينة، والتي دُفن فيها الكثير من الصحابة، ومسجد قباء أول مسجد بني في الإسلام، ومسجد القبلتين، وجبل أحد .. || بدآيـة الرحلـة ../ يومـ الإربعـاء السـاعـَة 12 ونص ظهراً .. عن طريـَق ( طريق قصيمنـا - المدينة ) السسريع .. الطريـَق كان جداً سهل - الحمدلله - بس لازمـْ الواحد قبل يمسكـ هالخط ياخذ آحتياطـه بـ بنزين و آكل ومآء وغيرهـ لإن الطريـق مافيه محطـاتْ آبداً الا قبل المدينـة بتقريباً 50 كيلـو .! < مامرينا بمعاناة أبد طبعاً مافيه شي زينْ ويستحق التصوير بـ الطريق كلـه " جبـال " ..! هذي كمـ صُورهـ :/ * ملـيتوا .. ..بـ عذركمـ نفس المنظر .. بس مشكلة اللي يبي يسوي نفسَه يعرف يصور < ماأبثرت أهلي بالتصوير ابد .. بقـى شوي ونوصـل لـ المدينـة بس صورهـ .. || الوصُـول لـ المدينـة ../ دخلنـا المدينـة تقريباً السـاعـَه 6 إلا ربـعْ يعني قبـل المغَرب بـ ششوي .. وآستمر البحـث عن سكـنْ الى السـاعَـه 10 بالليل .! كانت ززحمـَه .. والأجانبْ خصوصاً من " إيران , تركيـا " ماخلوآ ولا فندق حول المسجد الا سيطروا عليه من آول دور الى آخر دور .! مالقينـا .. آبد الوآحـِد وهو يتمشـى بالشـوارع يشكـ إنه بـ طهرآن .!! لقينـا سكنْ والله مادري وين بالضبط بس كان بعيـَد بعيـَد عن المسجد وقررنـا نقضي ليلـة الإربعآ فيه ونطلع نبحـث عن سكنْ صبـح الخميس .. الصورة اللي تحت هذي أول مادخلنـا المدينة .. السـاعـَه 8 الصبحْ بدت رحلة البحـث : * كُل هالصُور بالسيارة آبوي ينزل يدور سَكن وانا أبدا هوآيتي وأصور < والله من الصدز هالحماماتْ ( جمع حمامة ) شفتهن الصبح وآخذت لهن صورة كل شي صورتـه الا هن لازم يصير لهن نصيبْ : كِل اللي فوق كلامـْ فاضِي وتحسونْ ماله دآعِي آدري .. بس جينـا لـ المهمـْ .. يالله .. // || الرحلـِة لـ مَسجـد قُبـاء ../ موقـِع المسجد : جنـوب غرب المدينـة المنورة .. يبعـد عن المسجد النبـوي 5 كيلو .. موب بعيد فضـل الصـلاة فـ هالمسـجد كمـا قال الرسـول صلى الله عليـه وسلمـ : " صـلاة في مسـجد قبـاء كـعمرة " وقال : " من تطهـر في بيتـه ثم أتـى مسجد قبـاء فصلـى فيه صلاة كان له أجـر عمرة " * يعني أجر الصلاة بهالمسـجد عظيمـ عظيمـ .. يعادل عمرة سواء كانتْ صلاة فريضـة أو نافلـة .. الجـو كان حلـو .. برآآد وهوآآء وزحمـَة نآس .. ماقدرت أصـور كثير وآخذ رآحتي لإنه كان وقت صلاة العصـر وكان المكـان كله عآآآآلمـْ < الإيرانيين حتى هنـا مسببين زحمـه فضيعه .. بس المسجـد مُنظمـْ القسمـْ النسآئي ومقسومـْ على قسمين قسمـ لـ الحريم اللي معهمـ آطفال وقسمـ لـ الحريمـ اللي لحالهمـْ .. غير النآس اللي تبيـَع برآ .. يعني شي كان جداً رررهيـَب .. * والله اني أعرف أصور بس من يفهم .. مدخل الرجال .. // || الرحلـِة لـ جبـَل أحـَد :/ جبل مطل على المدينة المنـورة .. وقعـت عليـه غزوة أحد بين المسلمينْ بقيـادة النبي عليه السلامـ و القرشيين من مكـة في السنـة الثالثـة من الهجـرة .. يقع شمـال المدينـة على بعـد 4 كيلـو من المسجد النبـوي .. تقع قريباً منـه مقبـرة الشهـداء .. * من مايؤثـر عن هالجبل العظيم .. إن الرسول عليه السلامـْ صعـد عليـه وبصحبتـه أبو بكـر و عمـر وعثمـان فـ آهتـز بهمـْ .. وقال الرسـول عليه السلامـْ : " إثـبت أحـد فإنمـا عليكـ نبي وصديق وشهيدان " وقال : " إن أحـد جبـل يحبنـا ونحبـه " أحد من بعيد .. قربنـا شوي .. هنـا وصلنـا وكملنـا المشوآر رجليّـه < يعني مشيْ .. * العالمـ اللي تشوفونهمـْ يبيعـونْ .. آشياءات .. سجاد , اكسسوارات , والأشياء اللي كل من سافر لمكة ولا المدينة جاب لاهله منها .. ( جبـل الرمـاة ) .. جبل صغيـر بجانب جبـل أحـد .. وهو الجبـل اللي أمـر النبي عليه السلامـ الرمـاة يتمركزونْ فيه في غزوة أحد وكانوآ 50 رجل .. لكنهمـ خالفوآ أمرهـ بعد ماظنوآ إن المعركـة آنتهت فـ آستغل المشركينْ هالأمر وقتلوآ عـدد كبيـر من المسلميـَن .! شفت العالمـْ رآيحين جآيين من على هالجبـل قلت بروح معهمـْ وقررت آرقى فوق < يعني أصعـد لـ الأعلى .. وهنـا بداية المشوار .. ( مِقبـرة شهـداء أحـد ) .. تضمـْ سبعيـن من الصحابة اللي آستشهدوا في غزوة أحـد .. ومنهمـْ عمـ النبي " حمـزة بن عبدالمطلب " و " مصعب بن عميـر " .. الصور من بعيـَد .. لإن كلنـا عارفينْ حكمـْ زيارة المرأة لـ القبور .. // || المسـَجد النبـَويْ :/ مسجد الرسـول .. ثاني أقدر المساجـد بعد المسجد الحرامـ بـ مكـة .. الصلاة فيه تعـدل ألـف صلاة فيما دونه من المساجـد الا المسجـد الحرامـ .. آغلب الأوقات نكون متواجديـَن بالتوسعـَه خصوصاً بين صلاة المغرب و العشاء حتى الاجواء تساعد إن الواحد يجلس ماكان حر آبد .. الى درجـَة إنه سمعنـا خطبـة الجمعـَه بالتوسـَعه تحت المظلات .. أول زيارة لـ المسجد بعد ماوصلنـا .. وكانت صلاة المغربْ يوم الخميس .. * الصُورتينْ اللي فوق بعـد نهايـة صلاة الجمعـه .. * الجميلات ذولي عند المسجد بعد ماطلعنـا .. * طريق العـودهـ .. // || إضافـات :/ * جبـَل طميـة .. هالجبل على الطريـَق وشكلـه غريـبْ صرآحـَه .. ويقولون له قصـه بس شكلهـا قصـة من وحي الخيـال < على كيفي .. الصدز لقيت آكثر من روآية بـ قوقل وماصدقـت .. لذلكـ أتركـ الأمر لـ اللي حاب يعرف وش السالفة .. * وجبتي بطريق الذهـاب لـ المدينة .. تاكلون هالأكل اذا كنتوآ مثلنـا مااخذتوآ آحتياطات معكم .. تشوفونْ العصير ؟! * ( البيك ) من متى وانا ودي آجربه ؟ كل من راح لـ الغربيـَة صارت سالفتـه هالمطعمـ الا آنآ .! قررنـا ناخذ منـه ورحنـا لأقرب فرع لهمـْ وكان بمكان آسمه أبراج الجزيرة الظاهر بس ماقدرنـا ناخذ رحنا يوميـَن ورآ بعض ونفس المشكلة .. زحمـه بشكل فضيع النآس سرآ عند الباب .. مالنا أمل نوصل ونطلب .! تقولون ماعمرهمـ شافوآ مطآعم .. الزبدة من السالفة اللي فوق .. قولوا لي هو يستآهِل ؟ المهمـْ يأسنـا من هالمطعمـْ وآخذت من الجميل هذا .. * تصويري كان خاص لـ الأماكن المعروفـة .. واللي آي واحد يزور المدينـة ضروريْ يمـر عليهآ .. بقيـة اليومـْ نقضيهـا بـ الأسوآق .. اسواقهمـْ خيآل ي بنآت اللي ماراحت لـ المدينة تروح .. الرحلـة صحيح ايامهـا قليلة رحنآ الإربعاء ورجعنـا السبتْ بس كانتْ حلـوهـْ .. // وأنا أشتغل ع الموضوع جاء ببـالِي كمـْ سؤال وحبيت تشآركونْ معي .. 1 :/ بعد مارجعنـا من المدينـة سولفت مع مجموعـَه بنات من صديقاتيْ عنها .. وآنصدمت إن أغلبيتهمـْ مايروحونْ لـ المدينـة كثير .! وَ البعض مايحِبها اصلاً .! فيه وحدهـ قالت لي تقريباً 7 سنين مارحت .! والثانيـَة تقول منْ ايامـْ الإبتدآئي مازرتهآ مع إننا بالجامعـة الحين .! والأخيرهـ تقول ماتجي ع بالنـا .. أهم شي عندنـا مكـة .. * أنتـ / ي ياللي قريتْ موضوعِي .. * آخـر زيـارة لكمـْ لـ المدينـة متى كـانت ؟ * آهلك من الناس اللي يعتبرون المدينـة شي ضروري مثل مكـة لازمـْ تروحون له بالإجازات ؟ * اماكنْ زرتوهـا بالمدينـة ( أسواق , منتزهآت , أماكن أثرية ) تنصحونْ بـ زيارتهـا .. واذا فيه صُور آضيفـوا خلونـا نشوف .. // آخيـراً .. زيارتنـا لـ المدينـة كانتْ قبل 3 أسابيـَع تقريباً و توي أتفرغ .. لاتدققـونْ بـ حقوق الصور كثير مشكلة اللي الفوتو بوادي ووهو بوادي < مثلي .. إن شاءالله أعجبكمـْ الموضوع .. // سسسلامـْ ..