-
رغم جميع الظروف التي تحل بالرياضه الكويتيه
الى ان الدوري الكويتي للحين بخير ، بفضل عراقة الاندية وتاريخها الكبير
وايضا بفضل التنافس اللي ماعمره هدا بينها .. وفي كل موسم
نلقى تنافس ثنائي او حتى ثلاثي على لقب الدوري ، وفي اخر كم سنه
صرنا نشوف ان هالدوري ما يتم حسمه الا بالجولة الاخيره .. وصار نادر نعرف
البطل قبل اخر جولة او جولتين
وفي موسم 2011 الحال ما تغير .. التنافس بين القادسية والكويت قائم
الى اخر جولة .. وما راح يتحدد اسم البطل الا بعد نهاية هالجولة ..
جولة من نار .. جولة صعبه ولازم الكل يحذر منها
" بطاقة اللقاء "
Vs 
الفريقين : القادسية × الكويت
المناسبه : الجولة الاخيره من الدوري الكويتي الممتاز
الملعب : صباح السالم " نادي العربي "
الساعه : 8 ونص بتوقيت الكويت
القنوات الناقله : الدوري والكأس | يمكن ابو ظبي 
يدخل القادسية اللقاء ومعاه فرصتين بما انه الاول والمتصدر ، بفرصة التعادل أو الفوز
والخوف من هـ الفرصتين والتهاون اللي ممكن يمر فيه لاعبين القادسية ، الى الان الاصابات شبه معدومه
والغيابات معروفه " مساعد ندا وبدر المطوع " ورغم هالغيابات المؤثره القادسية ما تأثر واستمر في مطاردة
الصداره الى ان حققها قبل كم جولة ، الكويت القوة الضاربه بفضل المحترفين وعلى رأسهم اسماعيل العجمي
اللي اقدر اقول انقذ الكويت في الكثير من الجولات ، ومو بس اسماعيل الكويت عنده هجوم على مستوى عالي
مثل خالد عجب والشاب علي الكندري وايضا روجيريو البرازيلي ، وبما ان الكويت الثاني فـ يدخل اللقاء
بفرصة الفوز ولا شيء غيره , خصوصا ان القادسية حرمه من الدوري في الموسمين الماضيين
وان فعلها القادسية بتكون الثالثه على التوالي : p
" ترتيب الفريقين قبل الجولة الاخيره "
هذا تقديم بسيط للديربي ، وسامحوني على الحوسه : d
بالتوفيق للقادسية وان شاء الله الدوري قدساوي 
.. ومشاهده ممتعه