إعداد وتنسيق:-
Řōђ
تصميم :-
Mi manchi
في يوم الخميس الموافق : 19 / 4 / 1432 هـ , 24 / 3 / 2011 م
أجرى روم الزعيم بالبالتوك حواراً مع الدكتور جاسم الحربي إذ تطرق في جزء من
حديثه عن المستويات الأخيره للقناص .
و يسعدنا نقدم لكم ما يخص الكابتن " ياسر القحطاني "
نص الحوار :-
ksa_za3eem : ياسر القحطاني طبعا قناص آسيا , أفضل لاعب في آسيا عام
2007 له فتره ربما ياسر يشهد تذبذب مستواه خصوصا كانت مباراة الاتحاد المباراه
الاخيره ربما اعادة فتح ملف ياسر القحطاني .
جاسم الحربي : شوف ياسر من اللاعبين المميزين على مستوى اسيا مو على مستوى
الكره السعوديه أو العربيه , هبوط المستوى طبيعي جداً ان أحيانا اللاعب النجم لايمكن
يحافظ على مستواه ثابت لايمكن , لابد يصير عنده دروب ( drop هبوط ) في
الاداء , وطبعا الظروف اللي مر فيها ياسر من إصابات ومن كذا ومن تأهيل تخليه
يبتعد عن الكوره , وإبتعادك عن الكوره هذي برضو مشكله ثانيه انك ترجع لها تحتاج
الى وقت , فـ اللي اتمنى من الجميع الصبر كويس حنا مستعجلين على النتائج
مستعجلين على اللاعب يرجع بسرعه , خلاص ياسر شارك لازم ياسر يسوي كل شي
لا موب صحيح , لنفرض ان عنده هبوط في المستوى يعني انهيه من الوجود اقوله
ماعاد تشارك خلاص والا اعطيه فرصه مره ومرتين وثلاث اعطيه فرصه , فـ انا اتمنى
من جمهور الهلال لا يستعجل لاعبكم فذ وممتاز و ياسر مايتكرر ابداً , له مميزاته وله
إيجابياته يوم كان يعطي كنا نصفق له الان يوم قل مستواه وعنده ظروف وكذا وشوف
انا مو تعاطف مع ياسر انا احب ياسر زيه زي باقي اللاعبين لكن مش تعاطف معه
يجب ان احنا ننتظر ونعطيه الفرصه , مو معقوله يوم كان يصول ويجول بالملعب
ياسر وياسر الآن رجعنا ندور على ياسر أي أخطاء أي سوء آداء , جته فرصه ذيك
ماتعامل معها ضيع علينا مدري إيش ! , صرنا ندور أخطائه أول مهما كانت اخطائه
لو يسجل له قول قولين أنمسحت الأخطاء .
ksa_za3eem : هو لانه ياسر القحطاني لانه نجم فهو دائماً مسلطه الأضواء عليه
يعني .
جاسم الحربي : طبيعي جداً , وأعتقد ابو سعيد قد النقد شوف اللاعب ذكي انه يقبل
النقد سواء من المقربين او البعيدين , لآتأخذ النقد على انه شخصي تأكد انت
كلاعب وكمهاجم لما تسجل لك قول قولين هالنقد كله يروح في وادي وانت بوادي اخر
وتلقى التمجيد من الاعلام ومن الجماهير وتجي المباراه اللي بعدها وتضيع فرصه
وتخسر الفريق المباراه انقلب عليك هالاعلام ذا 180 درجه والجمهور نفس الشي ,
فهذي كرة قدم لانستعجل على الكابتن ياسر القحطاني ان شاءالله بيعود , شوف انا
احب اتابع جميع اللاعبين مو ياسر بس على اساس لما انقده , والله أحياناً أنقد أحس
اني أجرحهم بالكلام بس لمصلحتهم مو لأجل اني يعني أتشفى فيهم لا والله بالعكس
أنا اعتبرهم زي أبنائي كلهم , فـ أحياناً بعض الاخوان لما تقسى عليه بالنقد يصحى
يقعد يفكر يصير فيه تفاعل مع نفسه لكن أنا امدحه والثاني يمدحه والثالث يمدحه وهو
مستواه هابط شلون بيعرف ان مستواه هابط اذا حنا كلنا نمدحه وهو على خطاء لكن
بالعكس لما انا انتقده والثاني ينتقده والثالث ينتقده , لكن يأخذ من الناس اللي أصحاب
الخبره ناس عندهم خبره بالعمل من خلال التدريب , لما يجيني مدرب ينقدني لا والله
تعال خلني أشوف كلامه هذا يمكن فعلا انا عندي نواقص أحتاج اني اطور منها فـ ان
شاءالله يعود الوضع طبيعي سواء ياسر او غيره من اللاعبين , وشوف هذي كرة القدم
فيها متغيرات زي ماقلت لك أنا مدرب يقرا وتصير له متغيرات ويورط فالمباراه أحياناً
اللاعب نفس الشيء آداه وعنده شعور وأحاسيس أحيانا ممكن بـ إتصال قبل المباراه
بربع ساعه حالة وفاه مثلاً وش تترجى منه فالمباراه ؟ ولاشيء , عنده مع نفسه ان
عنده مشاكل فنيه هذي لما تعيش مع اللاعب أن انا عندي مشكله فنيه مش قادر
أسجل زي ياسر , خلينا نآخذ ياسر كحاله اللحين لماينزل وهو عليه ضغط ان لازم
يسجل عشان يرضي الجمهور الضغط عليه يزداد من مباراه لمباراه , ماسجل المباراه
هذي جت المباراه الثانيه ماسجل صارت الضغوط هذي تتركم عليه فلما تتركم عليه هذي
مشكله , فـ انا اتمنى ان شاءالله لجميع اللاعبين لايتعاملون مع هذا المبدأ , العب
توكل على الله والعب واللي تقدر عليه سويه انت لك طاقه معينه أديها و مااعتقد في
لاعب مثل ياسر ولا غيره انه بيقصر فالملعب , الهلال انت عارف جمهوره مايرحم
( يضحك ) اللي هم صاغ سليم زي مايقولو , الصاغ السليم هذا لازم تحافظ عليه بعد
نتمنى ان شاءالله يعني من جماهير الهلال الصبر , اللاعبين الموجودين بالهلال
الان من خيرة اللاعبين والدليل وجودهم الان متصدر الدوري ونهائي كأس ولي العهد ,
فقد يجوز ايمكن لعرقله الاسيويه صار وراها صحوه ثانيه خسارتنا امام سباهان اعتقد
انها نقطة بدايه انا سميتها حتى فالتلفزيون قلت ان شاءالله تكون لقاح البدايه لعودة
الهلال , الهلال ان شاءالله موجود لعودة اللاعبين لمستواهم لان الهلال موجود
ببطولاته واسمه مرصع بالذهب لكن اللي يحافظ على اسم الهلال من خلال الاداء هم
اللاعبين نتمنى ان شاءالله اذا هم يسمعون رسالتي انهم فعلا يبذلون الغالي والنفيس
في سبيل انهم يرتقون في مستوى ادائهم لان شوف انت اذا ارتقيت بمستواك بيعود
على المجموعه واذا عاد ع المجموعه بالاخير الناتج لنادي الهلال .
تقبلوا تحيات فريق عمل :-
Yasser Media