بسم الله الرحمن الرحيم مساء الخير يالغالين *..طرحي يحكي معاناة بطريقة غريبة ::.في صباح يوم الخميس صحيت من نومي..طالعت الساعة 6 الصبح بالتمااام.. لا تستغربون..هذي عادتي كل يوم.. الموهم..لبست ملابسي..وطلعت أتمشى في هالجو الباريسي.. مريت لي على بوفيه.. :صباح الخير يا أخوي..لو سمحت إثنين كبده وواحد حليب.. بإبتسامة: صباح النور ..أبشر يالطيب.. أنا بقلبي: ما شاء الله سعودي..!! والله شغله نظيف..قفازات..وأواني معقمة..والمحل كل أبوه يلمع.. فجأة.. حسيت بشيء ورا ظهري..! إلتفت..إلا زبون توه جاي وماسك طابور السرا..!! ابتسم لي وسلّم عليّ..رديت عليه بمثل.. ثواني..إلا: سم يالطيب هذا طلبك.. شكرته وأخذت الطلب.. بالسيارة.. آآلله..وش هالشارع..؟ كأني أتزحلق بـَ جليد..!! إلتفت يمين يساار.. العالم كلها مصحصحة..ومعينة من الله خير.. والعوايل طالعة تتمشى..ومبسوطة تضحك مع عياالها.. أما عند الإشارة..: قصة ثانية..كل واحد يحلف عليّ : والله إن تدخل قبلي.. شوي إلا يمر واحد شايب أعمى بيقطع الشارع.. أنا قلت: مسيكين راح فيها..<<متعود.. إلا وينط ذاك الولد..: عم..عم..خلني أوصلك.. ويمسك يده ويوقف السيارات..وهم ما قصروا.. وقفوا كلهم.. بعد شويـــــــااات..: وصلت لـِ مبتغاي..حديقة تفتح النفس.. يكفي الروائح الطبيعية المنعشة.. نزلت..وإلتفت يمين يسار.. غريبة..!! نظيفة بعد أمس..؟ وأمشي والهواء النقي يجدد التنفس برئتيّ.. بلا ريحة بنزين..بلا ديزل.. جلست أفطر..على كرسي جديد من الوكالة.. يوم شفت تاريخ الصنع.. مكتوب: made in saudi arabia 1950 م << أل أل..للحين ما فيه كسر أو شخبوطه..؟؟ ولا حتى ذكريات دحيّم وحصيصه..؟ وأنا أحسبه جديد.. طيب موب مشكلة..جلست أفطر..وأتأمل في خلق الله.. وأهم شي..ما قزيت في حريم أبد.. لأنه عيب تطيّر عيونك في الناس.. من بعيد..: شفت أبو وعياله خمسة..من يوم ما جلست وهم ما تهاوشوا.. قاعدين يسولفون مع أبوهم ويضحكون.. سألت نفسي.: وين أمهم..؟ إيه أكيد زعلانة وعند أهلها.. إلتفت الرجال وإبتسم.. طالعت مكان ما يطالع..إلا والله حرمة سعودية جاية لهم.. معاها كيس..والظاهر إنها جاية من مول قريب.. ..يا حليلها كيس وحدة بس..؟ يوم قربت لهم..عرفت إنها أمهم.. فتحت شنطتها..وطلعت كيس.. وقشّت المخلفات والزبالة اللي عندهم .. ومشت لين زبالة الحديقة ورمتها فيها.. ولحقوها عيالها والأبو..واللي شايل الفرشة واللي عزبة القهوة.. وركبوا ومشوا بعد ما ربطوا أحزمة الامان.. خلصت فطوري.. وقمت أهرول في ممر المشاة..ومعاي شباب.. تعبت..وقررت أدق الريوس على شقتي.. بالطريق..مريت لي على مكتبة..وأخذت لي كم كتاب منوّع.. وصلت للشقة.. واااااااااااااو صحيح إني عزوبي.. بس الشقة غير شِكل.. الملابس: كل شي مرتب في مكانه التلفزيون:قصة ثانية..ما ودك تقوم منه بس أنا محدد لي ثلاث ساعات باليوم.. على يمين:فيه لسته..معلقة مكتوب فيها جدول مواعيدي وأعمالي.. بالدقيقة والثانية.. طالعت فيه.. 2:00/3:00 قيلولة 3:30/4:30 قراءة كتاب 4:30/5:30 موعد مع واحد ما تعرفونه.. 5:30/7:30 قهوة مع الحباايب والأهل 7:30/10:30 أفرفر بين القنوات وأحوس بكرشة عمي قوقل وبعدها أخلد للنوووم.. آآلله ما أروعها من حيااة.. .***. ما ذُكر فوق.. نبض خياال.. *لا يغركم البطل..تراني بنية.. هنا أتمنى طرح خيالاتكم .. وأسباب عدم تحولها لواقع..!!
I'm afraid ,!